السلام عليكم ورحمة الله وبركاته
كيف حالكم حبايبي عساكم طيبين
انا ولله الحمد املك مبلغ بقيمة كورولا مطور
ونفس المبلغ يجيب لي النترا فل كامل
والمشكله شاورت كثير لكن انقلبو الناس لحزبين
الاول يقول الكوري متطور ومواصفات ولا بـ الاحلام
والثاني يقول مالك ومال الهرج الكثير خذلك كورولا لك وللزمن
والثالث يقول الكورولا والتويوتا ولى زمانها خذلك سياره مستخدمه وعيش حياتك
والرابع يقول الهونداي طاحو فيها الناس تبي قوه وفخامه خذلك النترا وراح تدعيلي
والخامس يقول الانترا شوفها مع فلان داعس واموره طيبه لكن التويوتا صارت مهزله
والسادس يقول والله الكورولا سياره غنيه عن التعريف توكل على الله ولا تسال
والاخير يقول تبي صيانه حلوه وامان روح تويوتا
تبي فخامه وقوه وصيانه ترفع الضغط روح هونداي
والادهى منتدى النترا يقول النترا وبس
وكورولا يقول
كورولا وبس
الزبده انا ابي جواب من اللي هم حاليا يستخدمون الكورولا 2012-2011
ابي انطباعه للسياره هل الكلام صدق اللي يقولون فراملها فيها عيوب وصدامها يتفكك
وابي منه النصيحه الكافيه بعيدا عن المجاملات
لاني اشوف منتدى تويوتا مافيه مجاملات
واسف على الاطاله
;,v,gh 2012 - afhf hg;,;, kfd la,vj;l jvn 'tp hg;dg