السلام عليكم ورحمة الله وبركاته
شحالكم يا اخوان عساكم مرتاحين
بخبركم سالفتي اليوم مع السعودين طبعا هم اخوانا وكلنا دول مجلس تعاون وعلى العين والراس
يطولي بعمركم انا كان عندي كابريس رويال 2007 عارضه للبيع
اتصلولي حول 50 سعووودي يبووون السياره وما ببالغ ولبقول لكم اني قابلتهم كلهم
لكن معضمهن والصراحه يعني شو اقول لكم كل شخص ايني يفحص السياره
يايب لي معاه جاهز فحص الصبغ ويركض يعني بالله عليكم
ياني واحد قال الجهه اليمنه كلها مصبووووغه قلنا ماعليه اما الباقي على كلامه صبغ وكاله
وياني ثاني قال لي القبه مصبوغه يعني ماعرف انا انقلبت فيها مثلا وصبغتها هههههه السياره مديل 2007 ونا الي مطلعها من الوكاله
ويله قلنا ماعليه وياني الثالت قااال والله عندك الدبه والمدقار والاعمده الخلفيه كلها فيها ضربيه قويه ومصبوغه اي كلااااام قلنا ماعلييييه يله بنشوف
ولكن اخر واحد ياني بصراااحه سكت ههههههههههههههههههههه
قال الموتر كامل مغير بديه ومصبوغ وماخذ له انت بدي من التشليح على قولته
وعلى كلامه ان كل هالتحليل من هالجهاز الصغير مال فحص الصبغ
واخر ناس يوني اي حد يتصل بي اقول له من الاخير اذا بتركض وبتيب جهازك لاتي
يعني بصراحه شي يرفع الظغط يالربع جهاز قيمته 80 درهم يفحص لي سياره قيمتها 170
وبالعقل يالربع خل نكون واقعين منو الي يفحص الصبغ بالملي
والله اتضايقت من اخوانا السعودين بصراحه ولا حد ياااني يتكلم بحترام ويبخس بسعر وكل شي
وتوبت ابيع السياره على سعودي ووبعتها اخر شي على مواطن والله ولا حتى فحصها بادنوك خذها وهو مغمض يحليله والحمدالله
وانتو شورايكم بالي صار معاااي :064:
shgtjd lu hgsu,]dk >> pdhhh;l