[التاجر الاماراتى]

فورد لايتننغ 2003 سوبر جارج

السلام عليكم ..
الموديل : فورد F150 لايتننغ
سنه الصنع : 2003 هالشكل ما نزل الا من 99-2004
العداد : 71000 مايل
واصله من امريكا قبل 5 شهور وكانت ماشيه 66000 وركبت عليها جامبيلات فورد ريسنج اصليات وقزوز فلوماستر اصلي وفلتر استيدا وليتات زنن اصليات ( والاغراض الجديمه موجوده)
ما فيها صبغ (فحص دبي)
كل شي في السياره اصلي ومش مغير حتا الطربال الاصلي مال الوكاله ع الموتر (من سابع المستحيلات تحصله حتا ف امريكا الا اذا كان ع السياره )
وعليها بولي صغير عشان يفتح البوست (السياره قويه وايد وايد وخفيفه وماخذنها لان عيبني شكلها واستعملها كل يوم بدون اي مشاكل (مكيفها ثلج)
السياره مكلفتني 65000 (من غير الاغراض الي مركبنها ) والاوراق موجوده
بسوي عليها مزاد عشر ايام وبدايه سعر المزاد 62000 وسبب البيع بسافر رحله طويله بسبب الدوام وحرام تتم واقفه
الي بيدور وبيقولي شي ارخص في ايبي او اي مكان ثاني يوفر الكلام الي بيقوله لان صعب تحصل هانوع ويكون نظيف والنظيفه تكون غاليه
سامانها متوفر تقريبا نفس سامان موستنق كوبرا (نفس المكينه) اقصد بلكات سيور و و و وعفكره البلكات و الايل و السيور توني مبدلنهم ع 70000 ووين ما سير لازم حد يسالني عن الموتر او نوعه وووو
من حقي الغي المزاد في اي وقت (لان السفر مش اكييد للحين)
واسمها بالنجليزي ford svt lightning للي يبا يعرف اكثر عنها :064:
هذي صورها

الموضوع الأصلي: فورد لايتننغ 2003 سوبر جارج || الكاتب: التاجر الاماراتى || المصدر: عرب موتورز

www.arabmotors.mosw3a.com

كلمات البحث

موتورز، سيارات امريكية، سيارات اسيوية

المصدر: عرب موتورز arabmotors موقع السيارات العربي الاول

---

t,v] ghdjkky 2003 s,fv [hv[