السلام عليكم
اخباركم ياحلوين :dhh:
احترت كثير في تنزيل الموضوع في القسم المناسب
لاكن ان شاء الله هنا المكان المناسب
لانو بإذن لله يكون من وراه فائده
طولتها شوي
المهم
موضوعي هادا هو البحث عن انتيك لونق للالتيما + 2008
طبعا زي ما انتو تعرفوا ان الالتيما + 2008 سواء I4 او v6
شركات التعديل ما نزلة غير شورت انتيك
البعض يقول مافي خير حتى من اسمو وانا كنت متوقع كدا
بس الحقيقه يفرق وفرق حلو كمان
لاكن بشرط تكون مسوي تفريغ
او تست بايب (افضل) لدبات التلوث جميعها
لاكن مهما كان ماراح يوصل فرقوا
زي الانتيك لونق وانا مجربها بنفسي ع سياره نيسانيه
ندخل في الموضوع اكثر
وهو الي خلاني اكتب الموضوع
ان لاقيت انتيكين (2 انتيك ) لسيارات مختلفه
باذن لله راح يركب بدون مشاكل سواء لي v6 او I4
لاحظوا معاي صورت الانتيك الشورت وهو راكب
هادا لي I4


شوفوا الفراغ الي بين المكينة + البطارية
طبعا ماراح يكون المكان فاضي الا لما نشيل هواية الفلتر
الي جايه تحت الشبك (هادي ثغره راح تفيدنا :) )

وهادي صوره لي v6



نفس الشي شوفوا الفراغ الي بين البطارية والمكينة
وزي ماذكرت في الاعلى انو ماراح يكون في فراغ
الا مع ازلة هواية فلتر الوكالة

قبل ما تشوفوا الانتيكين الي قلتكم عليها
راح نشوف مقطع
لصاحب التيما مسوى توليف انتيك من صنعوا

خوينا شغلوا حلو لاكن
لو هوا جاب بايب انتيك وسوى له توصيله
في الانتيك هادا
لتحت الصدام بيكون شغلو 10\10
وراح يكون شكلو زي هادا بضبط




الفرق هوا الهوس الاسود مثبت فيه حساس الهواء
وياكثرها في التشاليح :)
وللمعلوميه عندي هوس :dhh: نفس هادا
مسيوم بـ 3000 >>> خخخخخـ مجرد اعلان ونعود
الهوز هادا اسعاروا ماتتعدى 70 ريال في التشاليح
وفي الوكالة ما اتوقع بيزيد عن 200
المهم شوفوا الثروتل الي مثبت فيه بداية الانتيك
نفس حركة وشكل الثروتل تبعنا
طبعا الانتيك هادا للمكس الامريكي 2002 -2003
ونوعوا injen الكود نمبر تبعو RD 1940
وهادا شكلو قبل التركيب



والبطاريه وعلبة الفيوز نفس وضعنا
احنا ممكن نحتاج نفصل هوز (خرطوش)
الي من راس المكينة الى الانتيك
طبعا اغلى مخرطه راح تسويه لك ب 100 ريال
طبعا نحتاج نسوي لي I4 فقط
وممكن مانحتاج لاكن عشان نوضح الامور بس
يعني المسئلة فيها كرف لاكن حل يعتبر جيد
وتوليف جيد وباذن لله بدون مشاكل تنسيم
امورك راح
تكون في السليم

الانتيك الثاني وهوا نوعوا fujita

الكود نمبر تبعوا ca-3317
طبعا الانتيك هادا بصدفة لاقيتوا
ومايحتاج خرابيط زي الي فوق
فك وركب باذن لله
طبعا يركب على الكامري v6 (الاوريون)
ومعروف انها من السيارات الي
مايفرق فيها التعديل
لاكن مع تفريغ جميع دبات لتلوث وتركيبوا
مستواها فرق عمود عن النشيط الاستوك
وهادا يدل ع فعالية اللونق لبى قلبو
صوره للانتيك قبل التركيب



راح اعرض لكم صور له
خلال عملية تركيبو


شوفوا الثروتل نفس زاوية ثروتل الالتيما سبحان الله يخلق من الشبه 40
*للعلم الالتيما I4 او v6 من موديل 2002 نفس الزاوية خخخخـ
لاكن في الاخير عيال عم :dhh:




سبحان الله خخخـ حتى فتحات مسامير حساس الهواء نفس الشكل



هادي الصوره الثانية الي توضح نفس الفراغ الموجود عندنا + زاوية الثروتل





شكلو وهوا راكب + شوفوا الفراغ الي بين المكينة والبطارية نفس الي عندنا :)





شوفوا شكل بايب الانتيك وهو نازل من عند البطارية لتحت




هادا شكلو من تحت ومكانوا 10\10

طبعا في انتيك للالتيما في ebay
وشكلو نفس هادا لاكن لاحد يقربوا
لان رقمو غير وراح يجي شورت
يعني لاتعتمد ع الصوره
ركز ع الكود
سامحوني ع الاطالة
ورائيكم بعد الموضوع
هل كلامي في السليم والا مجرد
تخبيط
ادا شفتو في موضوعي شي
خد راحتكم واهم شي نكون في السليم

بعد رائيكم
هل اغامر واطلب الانتيك
لان الوضع باين قدامنا انو ان شاء الله تمام
ومنها نجرب قبل ماحد يتورط فيه بسبي
اهم شي لاتقولو شورت لان فرقوا
في العزم مايستاهل تدفع فيه شي + صوتو يجيب المرض مو زي اللونق

ومره ثانيه سامحوني ع الاطالة
تحياتي

hvhz;l + fuq hgpg,g hglrjvpm lkd = hkjd; g,kr gghgjdlh 2008