السلام عليكم ورحمة الله وبركاته ..
أخواني اليوم طلعت لصلاة العشاء وبعد ما رجعت للبيت حصلت سيارتي مصدومه وهي واقفه . السيارة من يوم الأربعاء ما حركتها من مكانها .. وسبحان الله المكتوب يجيك وين ما كنت . أخوي يقول وقفها قريب من البيت (يعني قربها من الجدار مره) عشان لا أحد يجيها ..
ومصفط مراياتها بعد لأن عندنا ورعان بالحارة يبيلهم (رمي) !! :SnipeR (1):
معهم سيارات قديمه وتوهم يتعلمون السواقه واقول الله يستر منهم ..
المهم أنا احترت هي صدمة سيارة والا صدمة دباب .. وما حصلت آثار للي صدمني أقصد الفرامل بالأرض أو اصطب مكسور بالأرض ما حصلت شي .. حصلت دعسة كفر صغيييره جداً والله أعلم انه دباب .. والحمد لله رب العالمين ..
طبعاً صورت الصدمه واعذروني على الجوده بالتصوير .. الصدام والاصطب وضربة بالكفر .
اللهم اجعل ما أصابنا رحمةً منك . واسترني وأخواني وأخواتي المسلمين والمسلمات من كل مكروه ..
'guj ,pwgj l,jvd lw],l 2011 >> hgpl] ggi !!