بسم الله الرحمن الرحيم
اخواني اعضاء منتدى تويوتا العربيه الاعزاء حصل لدي مشكله يوم الخميس الماضي في سيارتي جي اكس ار 2010 ماشي 64000 وانا ولله الحمد محافظ على السياره ولله الحمد ذو خبره في التعامل مع الدبل في البر مع تخفيف ضغط هواء الاطارات وهذا امر مهم لكل صاحب جيب ليرح نفسه وسيارته :SnipeR (37):.المهم المشكله هي ان لمبه الدبل الخفيف توشر بشكل سريع ولايمكن تطفيتها مهما ضغط على زر الدبل الخفيف وكذلك الدبل الثقيل لايعمل:SnipeR (55)::mad:
وعلى طول الى منتدانا الغالي ولقيت نفس المشكله عند كم واحد والحل الوحيد لديهم فصل البطاريه لمده 3ساعات وفعلا فصلت البطاريه وطفت بس رجعت بعد يوم :tinysmile_cry_t2:قلت ياولد مالك الاالوكاله ورحت لوكاله فرع البديعه بالرياض مخرج 25 وقابلت مهندس مصري فيلسوف وقعد يتفلسف علي ويقول لازم تسوي التشيكات كلها حقت 5000 الى 60000وبتكلفك حوالي 1800علشان بس نقدر نرفع لك مشكله الدبل على الضمان المهم دعيت الله بالخيره وقلت مالي الا اروح لفرع خريص لانه يمدحونه قلت على الاقل متخسر متخسر خلني على فرع زين وفعلا يوم الاثنين الموافق 3\5\1433ه الساعه 7 صباحا دخلت الصيانه قال الحارس مافيه الا كونتر رقم عشره وهنا بدا الفرج
وقابلت المهندس الفاتح حسين سوداني الجنسيه اسال الله له التوفيق وشرحت له المشكله وعلى طول شاف المشكله وقال هذي مشكله بسيطه وتحصل عند بعض الناس وسوف يتم اصلاحهاعلى الضمان ان شاءالله ولا تشيل هم راحه الزبون غايتنا بصراحه ماقصر وانا من هذا المنتدى اشكره على اخلاقه العاليه وتعامل الراقي مع الزبون وادعوا الاعضاء التعامل معه وان شاء الله تدعون لي
المهم جيته اليوم الثاني قال المشكله في دينمو الدبل خربان وتم استبداله بجديد وهذه التكلفه
طبعا فيه خصم الايام هذي على قطع الغيار 40% يعني التكلفه بتصير اكثر لو كانت مو في الضمان
والحمدلله انتهت المشكله ونزلت الموضوع كله على شان ماتقعون في ايدي مهندسن فلاسفه هم اللي شوهوا صوره صيانه تويوتا واسف للاطاله وتقبلوا تحياتي
شكرا مهندس الفاتح وشكرا تويوتا
lug,li pg la;gi glfi hg]fg hgotdt g]n hgwdhki fhgw,v