مساء الخير اخواني
حبيت استفسر عن مشكلة حصلت لي وانا مسافر بالسيارة ( باترول le2010) ومتوجه للمنطقة اللي اداوم فيها في منتصف الطريق اضاءت عندي لمبة المكينة والسيارة ضعف عزمها لدرجة اني ادعس مو راضي يمشي اكثر من 40 كلم وضغط الهواء مايتعدى 2 ورجعت اتصلت على سطحه وشال السيارة وودها لوكالة الحمراني بخميس مشيط ولعدم وجود كهربائي راح تجلس السيارة اسبوعين حتى يتم الكشف عليها
واستفسرت من الموظف عن تصليح السيارة وانها مازالت على الضمان قال نشوف التشييكات وبعدين نشوف يتم تصليحها على الضمان ولا لا
مع العلم ان الموتر ماشي 60000 كلم ووصلتني رسالة عن طرمبة البنزين ورحت شيكت في وكالة الباحة وقال كل شئ تمام وماامدا الموتر يمشي 300 كلم بعد الصيانة والتشييك الا اشتغلت لمبة المكينة
السؤال :
* وش تتوقعون هالمشكلة اللي صارت ؟
*هل السيارة مو على الضمان رغم انه مافاتني الا تشييكين او ثلاثة؟ والمشكلة صارت بعد صيانة 60000 ؟
*واذا رفضوا يسووها على الضمان ياليت تدلوني ايش اسوي؟
والمعذرة على الاطالة
glfm hgl;dkm ggf'g ????????????????