السلام عليكم ورحمة الله وبركاته
واسعد الله جميع اوقاتكم اخواني الاعزاء
ابغا افتح معاكم موضوع عن ماطور الهواء حق تويوتا اللي يجي مع
جميع سيارات تويوتا وعن جودته وتحمله للكرف لان اللي عندي ماقد
استعملته لاني معي ( ابوجمل ) الاصلي وممتاز حيل وعملي بس واحد
من الزملاء في العمل الله يهديه بنشر عنده كفر واحنا طالعين نهاية
الدوام وطلب مني الماطور واعطيته وكنت مستعجل ومشيت وضيعه
وانتم عارفين الاجواء هذي الايام مع دخول الشتاء والطلعات للنفود
وباستخدم ماطور هواء تويوتا واستفسر من الاخوان اللي استعملوه
هل بعد الله يعتمد عليه في نفخ الكفرات وهي على هواء ( 15 )
ويوصلها على الاقل حتى ضغط ( 25 ) بدون مايحتر وبعدين ازودها
اذا وصلت الديره او تنصحوني اشترى ماطور غيره افضل
وللجميع تحياتي
l]h tuhgdm ,jplg lh',v i,hx j,d,jh