السلام عليكم ورحمة الله وبركاتة
اشحالكم يالربع عساكم مرتاحين وبخير وسهالة
الصراحة انا منقهر وماحصلت مكان اطلع حرتي الا هنا فالمنتدى
المهم الموضوع يا يطولي بعماركم اليوم قلت خلني اسير معارض عيمان اشوف السياير واطالع اسعار اللكزيات لانه صارلي مدة ادور على لكزس 430 بسعر معقولة وتكون نظيفة ...
المهم عاد اطمشوا الحينة على الاسعار والجذب والمصخرة الي يالسين يتمصخرونها علينا
بعطيكم نبذة عن الاسعار :
- ls430 موديل 2001 نص الترا امبين ال 65 و 75
- ls430 موديل 2002 فل الترا 85 ز 78
- ls430 موديل 2004 نص الترا من 108 لين 115
- ls430 موديل 2005 فل الترا امبين 120 و 125
- ls400 موديل 98 و 99 امبين 45 و 55
بذمتكم هذي اسعار مع العلم انه اغلب المواتر الي شفتها متقمحات ومصبوغات ومدعمات
انا قبل شهر كنت فصناعية الشارجة مواتر وارد فيهن دعمات خفيفه يعني بمبر ولا جامة منكسرة بس ويعطييك ضمان على الشاصي والقير والمكينة والكهربة..
حصلت ls430 موديل 2001 فل الترا سودة ومن داخل هليوس على 55 ونص الترا 2001 على 45
المشكلة عندنا فالبلاد ماشي رقابة لاععبين فينا لعب ويوم تتنشدهم ليش الاسعار جذية يقولك بكل برود والله الاسعار فامريكا مرتفعة جنه نحن مانعرف امريكا واسعارها كل شي واظح فالنت
ومع انه الموتر يكون خايس عندة من سنة فالمعرض ويرفع السعر مقارنة بامريكا
الله يكون فالعون واسسمحولي يالربع تراني منقهر وما حصلت مكان اطلع حرتي
انتظر تعليقاتكم :064:
hgwvhpm lwo,ih , hgl,q,u hsj,h lwovm >>hkj/v jugdrhj;l!!