السلام عليكم ورحمة الله وبركاته...
إخواني أبغى أهبط الفورتشنر (لزيادة مركز الجاذبية للسيارة)
بحثت بحثت بحثت لحد ما إنلحس مخي :SnipeR (76):
وجدت عدة خيارات ألا وهي:-
1- تليين أو قص اليايات
*السلبيات*
أ- أول شيء ما فيه واحد محترف بالفعل يقوم بهذا العمل والشغل كله طبطب وليس يطلع كويس...
ب- ممكن ينكسر عليك الياي (لا قدر الله) وانت مسرع وتروح في خرايطها...
ج- سمعت كمان إن التهبيط عموماً بهذه الطريقة مضر للسيارة (دودة الدركسون تخرب وأشياء كثيرة أخرى غير النطنطة اللي مالها سنع)
2- تركيب يايات رياضية
*السلبيات*
أ- قاسية وغير مريحة (لأنها بإختصار رياضية)
ب- غالية جداً بالذات الأنواع الجيدة مثل (آيباخ)
3- تغيير مقاس الكفر
*السلبيات*
أ- عشان أنزل السيارة حوالى (3 إنش) يبغالك كفر رياضي إرتفاعة قليل وأي مطب أو حجر يا حبيبي حدث ولا حرج...
ب- راح تختلف قراءة عداد السرعة...
ج- الكفرات العريضة ذات الإرتفاع القليل غالية جداً
4- تغيير مقاس الجنط مع الكفر
فكرت أغير الجنط إلـى 15 تبع الهايلوكس 4×4 6 صواميل... طبعاً راح يكون أسهل على أحصل خيارات كثير للكفرات في هذا المقاس مثلاً 225/70/R15 لكن....
*السلبيات*
أ- راح تختلف قراءة عداد السرعة...
ب- (ما أدري يمكن يكون فيه سلبيات أخرى ما أعرفها)
في رأيي الخاص أشوف هذا الحل بأقل ضرر لأنه ما راح أقصقص وأكسر وأعدم السيارة...
فما أدري يا شباب ايش رأيكم؟
وشكراً جزيلاً لكم
Ysjtshv fow,w jifd' hgt,vjakv