انا امس طلعت سيارتي جيب لاندكروزر gxr 4 فئة الستين عام وسراحه ماعجبني وحرجت عليه وبعته عاده في الشبك حق المستودع بفارق بسيط جدا" مايسوا الانتظار شهر ونص والسبب يعود على اشياء كثيره الدواسه لازالت صينيه ولا غيروها والنظام الصوتي الي حاطينه سراحه شكله صيني درجه اولى وخاصه انه مايقبل الا سي دي واحد وبدون تحكم بالدركسون وهو اهم مافي الموضوع الي خلاني ابيعه
زبدة الهرج رحت البارح الي معارض الدمام ولقيت بريمي فئه الستين عام ومواصفاته خط رهيب سراحه والمواصفات زينه ولاكن 2 ايرباق وبدون دي في دي وبدون ونش والسعر 210 الاف ريال
وبعدها مريت اليحى ولقيت فئة الستين عام ومواصفاته خياليه بس ماعجبني الخط كأنه الفي اكس ار 2011 وارد قطر
والمواصفات 8 ايرباق ونش ودي في دي والباقي نفس البريمي والسعر 209 الآف ريال
وحجزت اليحي بس ابي رايكم لأني للحين مادفعت الدراهم وشرايكم بالافضل وارد اليحيا ولا البريمي
11-07-2010, 06:33 AM
المواضيع المتشابهه
العرض العادي
