مساعده مشكله بشاشة الاوريون

[تويـوتا]

السلام عليكم ورحمه الله وبركاته

اخواني الاعزاء

عندي مشكله بمسجل الاوريون الا وهي الصوت ما يطلع للسماعات .

حصلت المشكله قبل عيد الاضحى باربع ايام

والا اليوم بتاريخ 3/1/1432هـ وانا ما خليت اي ورشة تصليح مسجلات شاشات

وكل واحد يقول الاي سي حق الصوت عطلان وقلت مو مشكله اصلحه .

رحت لواحد بالغرابي يمدحونه الشباب (محل اسمه الرواد للشاشات) عنده فلبيني وقالي انا اصلحه وقلت مو مشكله
خليت المسجل يومين ورجعت له والمسجل شغال عنده ميه ميه بالمحل ، ركبنا المسجل بالسياره واشتغل لمدة ربع ساعه وبعدها انخفض الصوت الا حد ما اقدر اسمع الا اذا خليت اذاني بالسماعات وقال ابو يمن اكيد المقويات حقت الاي سي عطلانه وقلت مو مشكله فك وصلح خليته يومين ثانيه ورجعت لهم ونفس الطريقه ما ستفدنا شي (حصلت مشاكل مع قسم الشرطة لمماطلة ابو يمن ونصبه واعطاء مواعيد كاذبه) اخذت المسجل ولا خليت محل بالرياض الا وديته ولاكن دون فائده ما بقالي غير الوكاله والوكاله يقولي بيجلس بجده شهرين ويمكن ما يصلح.
(هل احد منكم حصل معاه نفس المشكله وحلها ارجو المساعده لاني كرهت الاميره بسبب الشاشه ).


(ارجوا منكم الي عنده خلفيه يفيدنا).

(اسف على الاطاله) وشكرا لكم

رقم الجوال: 0502222482