معلومه تم عمل صيانة 1000 وعمل البرمجة .. !

[تويـوتا]

السلام عليكم ورحمة الله وبركاته ..

بعد أن مشيت ولله الحمد على موتري فوق 1000

تم حجز موعد عن طريق الموقع الإلكتروني لشركة عبداللطيف ..

بعدها بربع ساعة اتصل علي شخص من جده من نفس الشركة ..

قال حبينا نأكد الموعد والوقت بالضبط ..

وبالفعل رحت على الموعد .. واستقبلني المهندس ..

وقلت له المطلوب :

1- صيانة 1000

2- برمجة فتح جميع الشبابيك بالريموت

3- برمجة إقفال الأبواب مع تعشيق القير على d

4- إيقاف صوت جرس الحزام

5- شد الجلنط


سجل جميع المطلوب ..

وقال تعال بعد ساعة ( كانت الساعة 4 العصر )

ويعطيك كوبون مشروب مجاني ( كابتشينو - قهوة .... الخ )

على الساعة 5 جيت لقيتهم يغسلون السيارة ..

وتوقفوا لأداء الصلاة ..

رجعوا يغسلون السيارة ..

بعدين مسحوا السيارة ...

كل هذا وأنا أنتظر ..!!!!


المهم حلصوا المهمة المستحيلة على الساعة 6 تقريباً ..

استلمت السيارة وسألت المهندس هل تم عمل البرمجيات ؟؟


قال بس فتح الشبابيك عن بعد !

لأن الوقت ضيق وما أمداهم يسوون الباقي ( على حد قوله )

وقال ما في برمجة لإقفال الأبواب !!

قلت طيب وجرس الحزام ؟؟

قال إذا جيت على صيانة 5000 نسويه لك ( وينك يابو سعد ) !!

ومشيت من عندهم بعدين تذكرت الجلنط !!

على حالة ما سوى فيه شي .!!

الخلاصة : صيانة 1000 مجانية .. ومهمة علشان تسجل السيارة أنها دخلت الضمان والصيانة لأول مره ..

يعني أتمنى ما أحد يتركها صحيح أنها بس تشييك لكن برضو خليهم يشيكون ويشحمون البيبان ..

وأهم شي أنهم غسلوا السيارة ,,, ( غسيلم يعتبر ممتاز ) !


حبيت أخبركم بما حصل للفائدة ..

وتحياتي لكم ،،،