موضوع يهم الجميع ياأخوان

[تويـوتا]

السلام عليكم ورحمة الله وبركاته

اسعد الله صباحكم بكل خير يالربع

يااخوان بكل صدق ابقول لكم كم كلمة واحسبوها زي ماتبون ..

انا اشوف فيه مواضيع من الاخوان لطلب بيع او شراء واسعار بكل صدق خيالية والله العظيم والوكالة اقل من اللي معروض هنا ..

انا ماقول هالكلام علشان اقطع رزق احد او اتسبب لمشكلة مع اثنين ولكن للعلم ويشهد الله اني امس مريت الوكالة وسألتهم عن هالاغراض اللي كثير من عشاق الكامري يرغبون فيها ..

قريت موضوع قبل شوي كاتب ان الجنوط الاصلية بالوكالة حقها 1300 للجنط الواحد وهذا الكلام غير صحيح ابد ابد

امس رحت للوكالة وبالتحديد الوكالة الرئيسية في الدمام شارع الملك سعود ( شارع تويوتا ) حي الجلوية ورقم تلفونهم 038176078 اكثر من عشر خطوط

ودخلت على حق الاكسسوارات وسألته عن هالقطع لاني عندي gl وناوي بإذن الله احولها glx


طبعا قالي بالحرف الواحد أن القطع اللي فيها صبغ مثل الجناح والمرايا والزوائد تجي على لون سيارتك اللي انت تختاره يعني لو كانت سيارتك عنابي ماتحتاج انك تاخذ لون ابيض او اسود وتروح تصبغها .. يعطونك نفس اللون المسجل على شاصي السيارة بالضبط وطبعا انتم عارفين ان لون الوكالة مافيه احلى منه خصوصا في الموديلات الجديدة 2010 و 2011 لان فيها لون صدفي وصعبه الورش يجيبون نفس اللون ..

المهم طولت عليكم


الجنوط طقم اربع وكالة 2200

قيمة الجنط الواحد 550 ريال قبل الخصم وانا ماسألته عن الأسعار بعد الخصم لاني خفت اتلخبط بالحفظ ..

المرايا اللي فيها إشارة حقت glx قيمتها طقم 433 ريال قبل الخصم وتختار اللون اللي انت تبي على سيارتك

الجناح الخلفي قيمته 670 ريال وبرضوا تختار اللون اللي انت تبي لسيارتك

تخشبية داخليه مع القير 761 ريال مادري قالي ست او ثمان قطع والعلم عند الله ..

الزيك الخلفي للقراندي اللي يجي على الشنطة مع علامة تويوتا ويجي لونه نيكل ويعطي منظر عجيييييييب للسيارة قيمته 200 ريال ..

وفيه عندهم كل الاكسسوارات بس تعال وتفرج


اسف ياشباب على الإطالة وانشالله تستفيدون من هالموضوع

في امان الله