باركولي تم تركيب ( جنط 17 وارد دبي + كفرات قوديير ) , والتقرير بالدااااااخل ^_^

[هوندا]

السلام عليكم ورحمة الله وبركاته
حيا الله كلّن باسمه يا شباب !
وبعد الكثير من التعب والإرهاق الفكري والجسدي والمالي :p
بخصوص الكفرات والجنوط والحوووووسة
توكلت على الله ويممت شطر الوكالة عند هشوووووووومي !
أمس الأثنين 6 / 2 / 1432 هـ بعد صلاة الظهرررر
سألته عن سعر الجنوط اللي يسمونها ( وارد دبي ) !
قال هذي العالم تاخذها بالهببببببببببببببببببل ~
قلنا توكلنا على الله يلااا عطنا اربع جنوط ولا تكثر شططططة :p
بكم السعر ؟
قال بـ 1851 للأربع وبدون أغطية
قلت ياخي جايكم قبل شهر كانت بـ 1700 وكسور :(
قال الموظف عندنا الأسعار مثل الأسهم ترتفع وتنزل
قلت في نفسي وحنا مثل المخفات معكم وين ما رحتوا رحنا وراكم
والسبب إنكم ( الوكااااااااااااااااااااااااااالة :p )
قلت يلاا عطني أربعة جنوط
وفي خلال 10 دقايق تقريباً والجنوط راكبه السيارة
ورحت محلات الكفرات اللي بالصناعية القديمة ولقيت أغلبهم مسكرين
وسألت كذا محل عن الكفرات وخرجت بمعلومات لا بأس بها !
الموهيم بقى على العصر تقريباً ساعة إلا ربع
ويممت شطر الشيخ ( هرفي ) وأكلت منه التورتيلا اللذيييييييذة
على طاري التورتيلا سعر التورتيلا الحين 17 ريال
وقبل فترة تقريبا بعد الحج رفعوا سعرها إلى 19 ريال
سألت الموظف ليه رفعتوا السعر ؟
قال مدري, من عند الشركة
ويوم أخذت الطلب عطاني هدية مظلة ومكتوب عليها ( حج مبرور 1431 )
قلت في نفسي أشوا إنكم خسرانييييييين وتبون تصرفون الكمية
وعوضتوا الخسارة من زيادة سعر التورتيلا
وقبل تقريبا أقل من شهر من الآن رحت للشيخ هرفي كذلك وطلبت التورتيلا
ولقيت رجع سعرها الأول 17 ريال, سألت الموظف ليه رجعتوا السعر ؟
قال حنا رفعنا السعر عشان العرض اللي يجي مع التورتيلا اللي هو المظلة
ههههههههههههههههههههههههههههههههههه
أول مرة أشوف مطعم في الحياة يعطيك هدية وياخذ عليها فلوس
بطريقة استخفافية بعقل العميل :rolleyes:
< شوطحت صح ؟ :p
/
نكمل لكم يوم تغديت من هرفي رحت صليت في مسجد الراجحي مخرج 15
صلاة العصر, والله المستعان 10 جنائز بعد الصلاة !!
الله يغفر لهم ويرحمهم ويختم لنا بالختام الحسن
بعد الصلاة توجّهت للشيخ الراشد وكيل جوديير
مكانه غرب مسجد الراجحي وتفتح بوابته شمال !
وسولفت مع الموظف الموجود وأخذت معه
وبين لي نصب الشركات في الكفرات وإن أسعارها زهيييييييدة في الخارج
وهنا يدبلون الأسعار ومن هيك الحكي !!
الموهيم اتصلت على خويي معه فل كامل وسألته عن مقاسات الكفر
وقال مكتوب عنده بالسيارة ( 17 - 50 - 255 ) !!
وقعدت أسأل الموظف عن النقشات الموجودة
قال هذي النقشة الوحيدة الموجودة
ولجهلي بأمور الكفرات أخذتها
وإن شاء الله تكون حلوة وطيّبة
وهذي صورة العرض اللي عندهم
http://www.mm11mm.net/ma3ali21/Photos/1.jpg
الكفر ألمااااااااااااااااااااااااني ;)
طبعا بعد الطقاق على الخصم مع الموظف
ويمين ويسار خرجت بهالفاتورة
http://www.mm11mm.net/ma3ali21/Photos/2.jpg
الكفر الواحد = 550 ريال
الأربع = 2200 ريال
http://www.mm11mm.net/ma3ali21/Photos/4.jpg
توكلت على الله وبدأنا في تركيب الكفرات
وهذي صورة الكفرات الأربع بجنابها الجنط بتاع الوكالة
http://www.mm11mm.net/ma3ali21/Photos/5.jpg
ههههههههههههههههههه
هنا كنت أسولف مع الفني
شاف الجنط قال هذا صيني ؟
قلت لا هذا وكالة :mad:
قال كم اشتري ؟
قلت 1850 ريال
قال واحد ؟ ولا أربعة ؟
قلت أربعة !!
قال لا هذا مافيه وكالة هههههههههههههه
تذكرت يوم أقول في موضوع ثاني لي
إن الوكالة نصابة أخذت التجاري ورفعت السعر وحطت عليه ختم ( صنع في اليابان )
تسكيته !!
http://www.mm11mm.net/ma3ali21/Photos/6.jpg
وهنا قاعد يبربس بالكفر :d
http://www.mm11mm.net/ma3ali21/Photos/8.jpg
وهنا جاري التركككككيييييييييب :cool:
http://www.mm11mm.net/ma3ali21/Photos/9.jpg
وداعا جنوطي القدييييييييييمة :p
http://www.mm11mm.net/ma3ali21/Photos/11.jpg
وبدأ الجنط يأخذ مكانه الطبيعي هع
http://www.mm11mm.net/ma3ali21/Photos/12.jpg
جنطي القديم يحاول يحتك , لكن ما عطيته وجه :p
http://www.mm11mm.net/ma3ali21/Photos/13.jpg
وهنا تم تركيب الكفرين اللي يسار, وجاري تركيب اللي على اليمين
http://www.mm11mm.net/ma3ali21/Photos/15.jpg
:cool::cool: تم التركيب بحمد لله :cool::cool:
/
الصراحة الكفرات حلوة ومريحة وغالية بعد :rolleyes:
وهذي أول تجربة لي في تغيير الكفرات
وإن شاء الله تكون تجربة موفقة ~
مجموع التكاليف ( 1851 + 2200 = 4051 ريال )


أتمنى إني أمتعتكم بالتقرير
وأدخلت السرور على قلوبكم < --- لا يكثر بس :p
وطلبي منكم لا ينسى الواحد إذا شاف شيء يعجبه
يقول
( ماشاء الله ) :)
وجزاكم الله خير

محبببببببببكم
رود ~ :o