حصري : صيانة ماكسيما 40 الف عند الحمراني فرع الاحساء

[نيسان 1]

السلام عليكم ورحمة الله وبركاته ..
كيف حالكم ..؟ عساكم بألف خير ..

انا تعمدت اني اسوي موضوع خارجــــي علشان يستفيدون جميع الاعضاء بمختلف الاقسام ..
وراح اكتب تجربتي مع صيانة الحمراني فرع الاحساء بس بدون صور ما اسعفني الوقت ..

موقع صيانة الحمراني :-
طريق الملك فهد - مقابل مكتب العمل مباشرة

ارقام الصيانة للمواعيد والاستفسارات :-
035826699
035340393

ملاحظات :-
1/ في الوقت الحالي يتم عمل الصيانات الدورية فقط ، واي مشكلة يتم توجيهها الى الخبر
2/ لا يوجد عامل كهرباء لحل اي مشكلة كهربائية
3/ الى الآن لم يتم الاعلان بشكل رسمي عن افتتاح مركز الصيانة بالاحساء
4/ اذا كنت عميل سابق لدى الجبر وسويت اكثر من صيانه لديهم ، لازم تمر لمركز الصيانة للجبر وتآخذ ورقة تبين فيها صياناتك لديهم وتوديها للحمراني علشان يسري الضمان معك
5/ سألته عن الضمان هل ساري ام لا ، قالي بما انك سويت الـ 40 فـ الموضوع معك بالسليم مع اني مطوف 15 , 25 , 30 , 35 ، يعني اربع تشييكات ما سويتها

الصيانة المعمولة :-
40 ألف كم

اوقات العمل :-
من الساعة 7:30 صباحا ً إلى 3:30 عصرا ً

التجربة :-
كنت رايح للوكالة كذا يعني ما كنت قاصد ادخلها ، على اساس اني بآخذ رقمهم واحجز ..
المهم وصلت وسألت السكرتي عن الزحمة قالي فاضي والسيارات الي داخل جاهزين للاستلام..

قلت اجل خلني استغل وادخلها ، وما صدقت خبر دخلتها وقالي يا اليوم تخلص يا بكره (امس دخلتها واليوم استلمتها ، مخلصه من الساعه 10 الصبح) ..

المشاكل الي واجهتني قبل التشييك :-
1/ اصوات في مقدمة السيارة من تحت
2/ اصوات وكأنها اصوات ديكور السيارة من الخلف
3/ دفع المكيف

الفروقات الملاحظة بعد التشييك :-
1/ اختفاء الاصوات الامامية وسببها ان مسامير قاعدة المساعد مرتخين
2/ اختفاء الاصوات الخلفية وما ادري وش السبب (يمكن تربيط)
3/ فرق واضح لدفع المكيف والبرودة
4/ اختلاف نشاط السيارة الى الأفضل
5/ هدوء اكبر من ناحية القيادة والمطبات

التغييرات الي تم عملها في صيانة 40 الف :-
1/ تغيير زيت البريك
2/ تغيير زيت الباور
3/ تغيير ماي اللديتر
4/ تغيير فلتر المكيف
5/ تغيير فلتر البخاخ (الهواء)
6/ تشييك على الماكينة والقير
7/ تشييك على كمبيوتر السيارة
8/ تربيط كامل للسيارة
9/ تغيير للزيت والسيفون (لم يتم عملها)
10/ «-- حالف يكمل عشرة ، تشييك على الفحمات

المبلغ المدفوع للصيانة :-
1030 ريال عبارة عن ..:
1- سعر الصيانة 784 ريال
2- سعر فلتر المكيف 56 ريال
3- سعر فلتر البخاخ (الهواء) 148 ريال
(سوف يتم تعديل الاسعار في وقت لاحق لان الفاتورة مو معي بالوقت الحالي)

الايجابيات :-
خدمة افضل بكثير من خدمة الجبر ، من ناحية التعامل او النقاش او شكل الموظف ..

السلبيات :-
خدمة الصيانة السريعة فقط ، ولكنها مؤقتة وان شاء الله في قادم الايام سوف نقيم الايجابيات والسلبيات بشكل افضل ..

خلاصة الموضوع :-
لا تتردد في زيارتهم وتشييك سيارتك لان (من وجهة نظري) وضعهم افضل من الجبر بمراحل ..
السعر مرتفع بشكل قليل ولكن في النهاية ترى وكأن سيارتك للتو شاريها ..

انا آسف على الاطاله في الموضوع ولكن حبيت اعطيكم نظرة موسعة عنهم ..
وان شاء الله تستفيدون من تجربتي لهذه الصيانة ، وتلقون اجوبة لتساؤلاتكم ..

بالتوفيق للجميع ..