انا عانيت مع الـ(لومينا) وودي آخذ البايلوت والسؤال لمالكيها ماهي عيوبها بأمانه شديده

[هوندا]

اخواني الكرام

السلام عليكم ورحمة الله وبركاته

اتشرف بالانضمام لكم وحقيقة انا من عشاق (( هوندا )) لجودتها واعتماديتها العاليه جدآ عن تجربه لصديق مقرب جدآ مالك لسياره هوندا اكورد 2003 م وماشي ماشاء الله تبارك الله حتى الآن 500.000 كم ( وماشاء الله تبارك الله سياره عمليه جدآ جدآ وقويه ) وكمان انا معه لما يروح دايم للصيانه ناس محترمه وتسوي شغلها بأمانه ( وهالموضوع اشهد لله بهم وبأكثر من موقف ) ، في كثير من الاحايين اذا كنت بسافر اعطيه سياراتي وآخذ سياراته لان خبركم انا مالك سياره للاسف الشديد جدآ اسمها ( لومينا ) والجميييع يعلم ماهي هذه السياره واسألوا الدوريات واي واحد بالاشاره مالكها !!!!:mad:طبعآ انواع الاعطال والمقالب من هربده لارتفاع بالحراره غير معروف السبب ( تم تغييير كل شي تقريبآ ولافائده ) الى التفتفه والرجه وعطال مستمر بالتكييف حتى غيرت الكمبروسر والثلاجه بكامله ولا فائده :mad: الى الطااامه الاكبر مع ارتفاع الحراره الا وهي

( رائحة البنزين ) تشمها كأنك قاعد بمحطة وقود ( متنقله )

تزيد كثيييييرآ عندما تفتح المكيف او بصعود المرتفعات مثل ( الهدى )


عمومآ .... قاعد افكر بالبدايل وودي بسياره ( جيب ) عاليه وبصراحه شدتني جدآ ( البايلوت )

ولكن ما يؤرقني ان السياره جديده بالسوق يعني يادوب نزل موديل 2009 نزل بأمريكا فقط وما نزلت عندنا الا من موديلي 2010 و 2011 م وحسب متابعتي ان موديل 2010 م كان فيها عيب تصنيعي بفتحة السقف وما ادري وش بعد فيها غير كذا وانا قمت بزياره لشركة هوندا ودخلت للصيانه وقابلت واحد ( ابن حلال ) شرواكم بالصيانه شفته اكثر من مره لما كنا نودي سيارة زميلي للصيانه المهم اخذته على جنب وسألته بكل امانه عن رأيه بالسياره فقال انتى سألتني بأمانه وانا بقول لك كل شي

السياره جديده بالسوق ومالها الا عامين 2010 و2011م و 2010 كان فيها عيوب تصنيعيه كالتالي :-

1- فتحة السقف

2- تانكي البنزين

3- المكيف

طبعآ بدون ما اقدر آخذ منه تفاصيل اكثر عن هذه المشاكل وسألته طيب هالعيوب هل تم تلافيها بموديل 2011 م قال والله اعلم انا ما ادري يمكن ايه ويمكن لا موديل 2011 م قاعدين نبيع منه لكن بأمانه ما اعرف هل تم تلافي العيوب ام لا ؟؟

والسؤال ....

لمالكي ( البايلوت ) 2010م و2011م وبكل امانه وصدق

( كما عهدناكم يا هوندا ;):d:cool: )

مارأيك بالسياره وهل بالفعل موجوده هذه العيوب المذكوره اعلاه بالاضافه هل يوجد اي رائحه للبنزين داخل السياره وانت ماشي خصوصآ لما تفتح المكيف وتمسك خط او تطلع لمرتفعات مثل ( الهدى ) وابي عن تجربه وتكفون نبي الرأي بكل تجرد وصراحه وأمانه

شاكر سلفآ لكم تشريفكم بالمرور والمشاركه :)