حفر الرياض + جنط المكس .... :(

[نيسان 1]

بسم الله الرحمن الرحيم ..

صباح \مساء الخير للجميع ...

ياشباب وقسم بالله حفر الرياض سببت لي أزمة نفسية .. في الجنوط عندي .. كل يوم حفرة ثم بعدها مطبة ؟؟؟

أول مرة طلع لي تنبية في رسمة كفر و مكتوب تاير بدون تنبية أن الكفر منسم هواء وخليت السياراة مدة شهر والتنبية صار يطلع لي كل يوم .. وبعدها نسم علي الكفر وصرت انفخة الين دخلت السياراة الوكالة وطلعتها ومكتوب لي في ورقة الصيانة أنهم رقعو الكفر .. بدون رسوم ..

وبعدها بيوم واحد نسم علي الكفر ورحت لبنشري أشيك ع الكفر طلع للأسف أن الجنط منعفط من الداخل ؟؟؟ والوكالة لا حس ولا خبر مسلمين لي السياراة جاهزة ؟؟ والمشكلة أنهم مارقعو الكفر ع كلام البنشري ؟؟

المهم ان وديت الجنط لمخرطة وأخذو علي 150 ريال .. وضبط الوضع ..

لكن أمس طحت في حفرة تقريباٌ عادية وسمعت صوت الجنط ومشيتها وقبل ما أوصل البيت طلع لي نفس التنبية الي قبل ومكتوب تاير ولا طلع لي علامة أن الهواء ناقص طبعاٌ ...

وأنا أخاف انه انعفط مرة ثانية ..

وتدرون وش المشكلة ؟؟؟

أن كفراتي بريجستون من الوكالة ومعروفة ماركة الكفر أنها أقسى و أقوى كفرات ؟؟

فما بالكم أذا ركبت هانكوك ولا مكسس ؟؟؟؟؟

يعني فـ رأيكم وش الحل ؟؟؟

أسف ع الأطالة ..