تقرير بسيط للفحص السنوي المجاني بالدمام

[هوندا]

السلام عليكم ورحمة الله وبركاته

اطرح لكم تقرير بسيط للفحص السنوي المجاني بالدمام

الوصول الساعة 7:30 بالضبط وعدد السيارات حوالي :d دقيقة اتخيلهم واعدهم كم ممممممم

حوالي بالضبط 23 سيارة والمسارات عدد 3 وكل ربع ساعة تدخل 10 سيارات

الفحص سريع ماله داعي ونوعيه الفحص هو

1- فحص زيت الماكينة

2- فحص زيت القير

3- فحص مستوى ماء الراديتر واذا ناقص يزيدونه

4- فحص الاشارات والانوار والبوري الخ

5- فحص الاذرعة والمقصات واسفل السيارة نظري بس المقصات والاذرعة تشييك دقيق شوي

6- فحص حول الماكينة اذا وجد تهريبات من دودة الدركسون او غيرها

7- طلع موترك وتوكل على الله

طبعآ ماصورت شي للأسف ومالي خلق على الصباح اصور شي

داخل الورشة ناشب للميكانيكة وياهم تحت السيارة :d

تركيب استكر الفحص اذا موترك تمام او الظاهر حتى لو فيه خرابات المهم انهم افحصوه يعني

http://aliblog.me/honda/18.jpg


http://aliblog.me/honda/17.jpg

طبعآ اطرح لكم التقرير للفحص

http://aliblog.me/honda/15.jpg


ولله الحمد مافي الموتر شي الا جلد المساحات بس :d ( ماشاء الله تبارك الله ) شباب تكفون ابي موتري

وبما اني عارف موتري وعارف وش فيه طلبت تسعيره لصيانة 100 الف مع الصيانة المقترحة من قبلهم وهي 130 الف وتكلفتها كالتالي

http://aliblog.me/honda/16.jpg


شطحه بسيطه : اما الميدالية اعجبتني كثير والله جيده خفيفة وحلوة ماهي مثل اللي تجي مع السيارة تقول طن حديد من ثقلها

وماعندي وقت والله كشخت فيها على طول :d

http://aliblog.me/honda/19.jpg

http://aliblog.me/honda/20.jpg


وبس هذا التقرير والسموحه على التقرير السريع والبسيط

ايه صح وانا بالسرى جالس اتذكر وش ابي من قطع الغيار وياولد وش ناقصك وش ناقص لين تذكرت اخيرآ

قبل كم شهر لاحظت شغلة في قربة الموية تبع الراديتر وهي ،، الصورة تتكلم

http://aliblog.me/honda/24.jpg


نعم مكسور :mad: كل واحد يروح يشيك الغطاء قبل يروح الوكالة اذا مكسور احسب حسابك 25 ريال

اخذته من قطع الغيار بسعر 25 ريال وركبته عند البيت تركيبه اسهل من السهل وبسيط ماهو صعب مجرد تسحب الهوز الداخلي اللي يجي داخل العلبة وبتحصل مثل الواشر بس جلدة تطلعها وتسحب البلاستيك الخارجي من الغطاء وتجيب الجديد وترجع كل شي مكانة بسهولة وبخلال دقيقتين او ثلاث اذا الهوز مش ماسك في البلاستيك

باقي شي ولا خلاص :d

وش باقي وش باقي ايه صح ترى في سن توب وشاي وحليب وبسكوت وحركات

مادري ليه حاس اني ناسي شي :confused: بس مادري وشو لكن اذا تذكرت طرحته لكم