تطور السيارات الكوريه

[عاشق الجيب]

قبل يومين كنت راجع من الدوام الى البيت (من الشارجه الى راس الخيمه) في الشارع الجديم
الي يمر عبر منطقة الجزيره الحمرا في راس الخيمه

و انا راجع من الدوام على المغرب وصلت عند مول الحمرا فشفت سيارات كيا متيمعه في الباركنات فقلت شكلهم يسوون تجارب قياده للناس .

لكن ما فكرت اني اسير لكن و انا ماشي جفت وحده من سياراتهم و هي كيا اوبتيما 2011 مشغلت ليتات الLED فلفتت انتباهي

و هي السبب الي خلتني ارجع لهم

جربت الاوبتيما 2011

و بصراحه ابهرتني السياره ابدا ما تخيلت ان تكون سواقتها حلوه

يعني فعلا السياره ابدعو فيها مريحه و هاديه و فيها جوده في التصنيع و الي ابهرني اكثر تناغم الجير سداسي السرعات مع المحرك فعلا حسيت اني راكب سياره متفوقه في فئتها

و استغربت قلت لها الدرجه تطورت السيارات الكوريه لدرجة وصلت انها ما توفر بس المواصفات و السعر المناسب
بعد صارت توفر متعة القياده الشي الي تفتقد له وايد سيارات فهاذي الايام (على سبيل المثال اكورد - التيما )

و الجميل فالسياره ان عليها ضمان 5 سنوات مفتوح الكيلو
http://motorimpress.com/images/news/03.2010/2011-kia-optima/2011-kia-optima-00.jpg


سبب ثاني خلاني اكتب هاذا الموضوع

و انا اتجول فالنت لفتت انتباهي سيارة هيونداي فيلوستر

جوفو اول صوره

http://www.rpmgo.com/images2009/2012-Hyundai-Veloster-A-Gorgeous-Coupe-1_opt.jpg

شو رايكم ؟ ؟ ؟


اوكي الحين جوفو الصوره الثانيه


http://www.rpmgo.com/images2009/2012-Hyundai-Veloster-A-Gorgeous-Coupe-2_opt.jpg


تصميم جميل صح؟



بس ما لاحظتو شي



شي غريب



انا الي لفت انتباهي هو الباب


من جهة السايق باب واحد



اما من جهة الراكب بابين

حركه جميله من هيونداي حتى انها صارت تبدع في التصميم


مع المتعه الي وفرتها لي اوبتما اليديده من ناحية السواقه


اتوقع ان هيونداي فيلوستر الي بتتوفر في الاسواق بعد سنه تقريبا انها تنافس بقوه

يعني فولكس واجن و رينو و غيرها من الشركات الي تنافس فها الفئه لازم تحسب لها حساب



بصراحه فعلا الكوريين بدو يبهروني


شو رايكم انتو

في حد الفتره الاخيره كانت له تجربه مع السيارات الكوريه ؟