أرمادا ومعاناته مع طقمي الفلاتر المتصله مع مواصير الشكمان والكنداسه هنا تعال!!!!!

[نيسان 1]

السلام عليكم ورحمة الله وبركاته ومسيتو بالخير جميع واش حالكم واحوالكم ربكم بخير ياوجيه الخير المهم حبايب قلبي اللي من الصعب ينساكم انتم أعضاء منتدى نيسان العرب:nothing_to_say: في هذه الايام سلمكم الله حدثت لي مشكله بروبلم زي مايقولوا وش هي البروبلم الا وهي طبعا انا لم اغير زيت مكينة الارمادا ولأول مره الا بعد قطع 11200كم يعني حللت والديه احرقته احراق خليته يغدي فحم:oh: المهم نقدت على الموتر بعدة اشياء :doubt:ارتفاع بسيط جدا في درجة الحراره الريس مايثبت مرة يزود نص ومرة يركد على النص المعدل الطبيعي ريس ظغط الهوا المهم ورحت اليوم وغيرت زيته ابشركم مع الفلتر :feel_good:وساعة رفع لي الارمادا فوق جيت وقلت خلنا نتفقد أسفل الموتر بطنه يمكن فيه شيء شيء منكسر أو منطعج وحبيت أشوف بطنه من زمان ماشفته لفت انتباهي حاجه الا وهي واير زي السلك ملفوف على بعضه ومثبت بماصورة الشكمان مع الجهتين :what:ونشدت عنه الفلبني قال بابا هاذا واير مشتت الحراره او موزع الحراره يحاول يضيعها ويخفف من اثرها قلت زين المهم واخلص من غيار الزيت وأتوجهلك للصناعيه وأمر لك على محل تلحيم كنداسات وشكامين المهم ذكرت له القصه قال اوكيه خلينا نشيك الاول ونشوف شاف الواير وعرفه بس قالي حبيبي بالمختصر المفيد انا ابغى ألحملك ذا الواير بس ترى هو ماهو مصدر المشكله :adore:المشكله داخل بفلاتر الشكمان مواصير الشكمان وعددهن اربع الثنتين الاولات حدر المكينه على طول يقول عنهن مالها اثر لأن حجمهم صغير ولا فيها مادة السليكا جل ماده خليط عباره عن فلين مع برادة خشب وبودر والثنتين الكبار الثانيات وهم راس البرام مصدر قلق ومصدر اتيان الحراره للموتر وكتم المحرك وتسبب له حراره وظغط عالي عليه تموع لك البساتم:adore: قلت له والحل ياقلبي:big_grin: قال الحل نفكهن ونركب لك فلاتر مواصفات اجواء الخليج:eyes_droped: قلت كيف قال فلتر مخصص للهوا فقط مو لي امتصاص الحراره او منع التجمد زي امريكا واروبا وروسيا :oh:للمعلوميه للأسف اغلب المواتر المستورده من امريكا واروبا فلاترها مصحوبه معها هالماده الجالبه للحراره:what: وذلك يتعارض مع جونا وبيئتنا والوكلاء حمير نعم الواحد واذانيه طوال كيف حمار :bad_egg:الموترر يورده ولايدري وش اللي فيه من بللى او مواصفات تخالف مناخنا زي هالفلاتر المصيبه والقهر تجي كذا من الوكاله وخاصة جميع موتر يستورد من امريكا وحتى التايوت الاسكويا قالي الفني نفس الارمادا طيب فين دورهم ليه مايتحركون وينقذون الموقف ويقضون على المشكله قدام لاتحصل فقمت واعددت لكم هالتقرير المصور الاتي تفضلوا حياكم الله اخواني

http://www.nissan-arabia.com/vb/images/imgcache/2011/05/1715.jpg (http://www.up-00.com/)
هاذي صورة الماده الصاده او الكاتمه للهواء
http://www.nissan-arabia.com/vb/images/imgcache/2011/05/1716.jpg (http://www.up-00.com/)
وهاذي صورة اخرى لها توضيحيه
http://www.nissan-arabia.com/vb/images/imgcache/2011/05/1717.jpg (http://www.up-00.com/)
هاذي صورة واحد من الفلاتر الاثنين شد بلد ولاحظوا احتواءه على هالماده السالفة الذكر سيلكا جل!
http://www.nissan-arabia.com/vb/images/imgcache/2011/05/1718.jpg (http://www.up-00.com/)
صوره تقريبيه اخرى له
http://www.nissan-arabia.com/vb/images/imgcache/2011/05/1719.jpg (http://www.up-00.com/)
وهاذي صوره افقيه له وشكله شبيه جدا لطاحونة القهوه البرتقاليه تخبرونها ولا مو
http://www.nissan-arabia.com/vb/images/imgcache/2011/05/1720.jpg (http://www.up-00.com/)
وهاذي صوره مع ذنبه خلف
http://www.nissan-arabia.com/vb/images/imgcache/2011/05/1721.jpg (http://www.up-00.com/)
وهاذي صورة راس الفلتر الجديد المطابق لاجواء الخليج مصنع العتيبي
http://www.nissan-arabia.com/vb/images/imgcache/2011/05/1722.jpg (http://www.up-00.com/)
وهاذي صورة جماعيه للفلترين ويتم تركيبهم بشكل متوازي او لكل ماصوره
http://www.nissan-arabia.com/vb/images/imgcache/2011/05/1723.jpg (http://www.up-00.com/)
وهاذي صوره توضيحيه من الداخل تبين لك عدم احتوائهم على مادة السيلجا جل فقط فلتر مثقب للسماح للهواء بالعبور وظغطه
http://www.nissan-arabia.com/vb/images/imgcache/2011/05/1724.jpg (http://www.up-00.com/)
وهاذي صوره ماصورة الشكمان بعد قص الفلتر منه
http://www.nissan-arabia.com/vb/images/imgcache/2011/05/1725.jpg (http://www.up-00.com/)
وهاذي صورة الفلتر عقب تركيب وتلحيمه بالماصوره بواسطة الاوكسجين والمرحله الثانيه بواسطة الكهرباء
http://www.nissan-arabia.com/vb/images/imgcache/2011/05/1726.jpg (http://www.up-00.com/)
هاذي صورة الواير المقطوع اللي علمتكم عنه مشتت الحراره
http://www.nissan-arabia.com/vb/images/imgcache/2011/05/1727.jpg (http://www.up-00.com/)
وهاذا صورة لذيبان رفيق الدرب اللي ماقد خان
طبعا لاحظت خفة عزم الموتر غدى فلته طلقه مايحشر بالتعاشيق مايحن زي أول الله يجيرك تقل حنة وايت على طلعة نفود عشقوه بالدبل والحموله زايده الحراره والتكتكه اللي لمن وقفت وطفيت السياره تسمعها شبه اختفت مو 100% قل 90% تعتبر انجاز طيب ويذكر لصالح فلاتر الخليج الموتر لاحظت به ارتفاع في صوته خفيف سواقته عدك تسوق لك اسبيريا او جمس الظغط مره ثابت وبسرهع يتجاوب معك الزبده يالله يابابا انت وياه الحق على عمرك وعمر موترك لايشتب عليك لأحد هاللواهيب وتاكلها صح خصوصا اذا كانت جديده ولاعندك الا هي وضعك مره مايسمح للنكبات ويالله نبغى ردود وتقيمات زي العسل حلوه زيكم ياحلوين وهاذي بوسه لكم امواااااااح احبكم منتدى نيسان العرب