محتاج مشوره

[تويـوتا]

السلام عليكم ورحمة الله وبركاته
السلام عليكم يا اخوان
كيف حالكم عساكم بخير
يا اخوان انا اليوم دخلت المنتدى هذا واول مره اعرف بها المنتدى
ليس تقليل من شانه لكن لعدم حاجتي الفعليه في البحث فيه


بدايه انا مايهمني ماركه السياره .. كلها عندي واحد والفخر للي صنعها ماهو للي يستخدمها
سبب دخولي المنتدى هو بحثي عن معلومات عن السيكويا اقصد معلومات حقيقيه من واقع تجربه موضوعيه
لكن للاسف وجدت معلومات ابعد ماتكون عن الموضوعيه وملئ بالعاطفه
اتمنى ان يقوم احد الاشخاص بعمل بحث مفصل عن السيكويا من جميع النواحي
يا اخوان انا معي يوكن 2004 مواصفات امريكي اشتريته جديد يعني ماهو استخدام امريكي واحتاج لسياره مثله حيث انه خدمني كثير دون اعطال .. مشى معي حدود 300 الف
1-غيرت السيور مره وحده
2-شمعه داخليه وحده اقصد لمبه النور الامامي
3-غيرت القماشات او الفحمات سمها ماشئت ثلاث او اربع مرات
4-غيرت دينمو ماء المساحات الامامي مره وحده
5- البواجي قبل اسبوع غيرتها
6- زيت القير مرتين مع الفلتر
7- مقص سفلي واحد مع الربلات

رغم اني اسافر عليه دول الخليج ومكه والمدينه كل سنه وفي الشتاء الدهناء او نفود عليم حسب اتجاه الربع
وتعرفون منطقه القصيم اغلبها رمال وطعوس لكن مااخلي مكشات الا اوصل له ولله الحمد
لكن كل هذا طبعا بتعقل لاني اعرف سيارتي ماهي شاص يابس
قررت اخيرا اغير السياره كفايه سبع سنين
كنت بشتري يوكن او تاهو لكن عرفت ان فيها مشاكل كثيره من خلال حديثي مع الزملا اللي معهم مثلها
يعني اقل مثال لو بنشر الكفر عشان يعمل الحساس مره ثانيه لازم تعيد البرمجه في الوكاله او في ورشه متخصصه
انا شفت حجم السيكويا وحسيت انه فعلا منافس قوي لليوكن لكن للاسف المواصفات اللي عندنا غصب تشتري حسب ذوق الوكيل

علما انه مايهمني الكماليات يكفيني دبل ستاندر بس نزوله من الخلف عند التحميل مخليني متردد
وافكر بالحل اللي هو الهيدروليك لكن كيف يجتمع ستاندر وهيدروليك
ارجو من اللي عنده الحل يساعدني