المساعد الشخصي الرقمي

مشاهدة النسخة كاملة : صوت غريب في المكينة...كرسيدا

تويـوتا
07-04-2011, 06:21 PM
السلام عليكم

عندي مشكلة بسيطة إن شاء الله
اذا جلست انتظر احد في جو حار والمكيف شغال وكل شي وجيت امشي بعد ربع ساعة او اكثر
اذا عشقت الجير او ركبت غيار ثاني...ثالث...الخ
اسمع صوت من عند المكينة كاني مركب الجير بدري او كانه صوت بلوف "صوت تروس تلف تلف"
واذا زدت الدعسة يزيد الصوت
يستمر معي حتى تمشي السيارة شوي "كانها تبرد" وبعدها يرجع الوضع طبيعي يوم تنزل الحرارة شوي "تكون ربع وتنزل"

اللي سويته اني جربت ادعس بدون لا اعشق الجير "نيوترال" صوت المكينة طبيعي جدا...الصوت يطلع بس يوم اعشق
علما اني من سنة ونص تقريبا سويت صيانة شاملة للمكينة....و غيرت كلتش الجير مع الصحن والجلدة "اصلي" ووزنت بلوف وكربوريتر وديلكو
الجير ماعليه غبار ويعشق ويدعس بكل اريحية

الحرارة ما تتعدى الربع مع الوقفة اذا مشيت تنزل تحت لل c

افكر الحين افحصها كمبيوتر واوزن البلوف والديلكو مرة ثانية ولو انه السيارة طبيعية جدا طول الوقت بس يوم توقف مع الحر
احد يعرف سبب ثاني للمشكلة؟