صور الموتر بعد تركيب الشاشة .. باركولي ههههه

[جــيب jeep]

السلام عليكم ورحمة الله وبركاته

أمس رحت على الغرابي .. وكنت مره طفشان .. حاط في بالي يا اما ما اطلع الا وانا مجلد السياره مطفي .. او اسوي حركات بالفايبر كربون .. او شاشه .. او جنوط

المهم وبناءا على طلب أخوي ناصر ( bngo 11 ) رحت أول شي أسأل عن ستيكر الفايبر كربون

لقيته بس للأسف حراميه لأبعد الحدود ,, سالت لو أبي أسود الشبك اللي قدام بس .. صلخوني بسعر 300 ريال .. !!! ومع المكاسر وافقوا على 250 ريال .. !! هونت وعرفت انهم حراميه وهونت عن فكرة الستيكر كل ابوها

رحت الجنوط .. ما لقيت ولا شي عاجبني كلها بايخه وحقت سيارات عاديه مو لجيوب

:ranting1:

لمحة .. ترى هذا هو مسجل الوكاله اللي عندي

http://www.jeep4x4center.com/media/catalog/product/cache/1/image/270x/9df78eab33525d08d6e5fb8d27136e95/l/i/liberty-radio.jpg
طفشت من جد ودخلا الشارع حق الالكترونيات والشاشات .. فرفرتهم محل محل كلهم غاليين .. ولقيت الشاشه هذي المعروفه اللي كل السيارات تركبها .. آخر شي نوعيه مدري وش هي بـ 730 ريال .. مشكلة الشاشات اللمس إنه أول شي الصورت يصير لك عليه يعني موواضح .. والثاني انه هالنوع هذا مرررررررره كبير على سيارتي .. يعني احتمال ان لازم الغي المكيف عشان اركبها :139:

وفي النوع الثاني اللي هو صغير والشاشاه تطلع من داخل .. قد ركبته اول بس للاسف بااااااااايخ لانه مع حفر ومطبات شوارع الرياض صارت تلق وانواع القلق والخرابات وغير كذا انها اصلا مقفله على فتحات المكيف

طبعا هو تجيله من الوكاله شاشاه مثل اللي بالصوره هذي

http://www.autotrucktoys.com/liberty/images/m82208715.jpg

بس مره غاليه سعرها حول الـ 2000 ريال .. بأمريكا يعني يبيلك تحط فوقها 500 ريال شحن .. وغير كذا النافيقيشن ما يصلح لانه امريكي


بعد ما زهقت لقيت عند واحد شاشه حلوة هي صغيره مقاسها 4

بس تركب عندي بدون قصقصه وقلق وشكلها حلو ومناسب وفيها كل شي

وركبتها الحمدلله .. ابي اوريكم صور الموتر بعد ما ركبت الشاشاه وبأمانه أبي رأيكم فيها

http://www.m5zn.com/uploads/2011/7/5/photo/070511230709y4mj61q8bq.jpg (http://create-avatar.m5zn.com/)

http://www.m5zn.com/uploads/2011/7/5/photo/070511230709ixe7r6b5znkqgs7sy0.jpg (http://create-avatar.m5zn.com/)

http://www.m5zn.com/uploads/2011/7/5/photo/070511230710a4d2flffst9h.jpg (http://create-avatar.m5zn.com/)

http://www.m5zn.com/uploads/2011/7/5/photo/070511230710aurwy8ikv.jpg (http://create-avatar.m5zn.com/)

http://www.m5zn.com/uploads/2011/7/5/photo/070511230710ca9n8axueedd2.jpg (http://create-avatar.m5zn.com/)

http://www.m5zn.com/uploads/2011/7/5/photo/0705112307104hpir06ej7smiw15w1ue.jpg (http://create-avatar.m5zn.com/)

http://www.m5zn.com/uploads/2011/7/5/photo/070511230710octqy8bvf.jpg (http://create-avatar.m5zn.com/)


,,

أبي رايكم بكل أمانه .. من ناحيه الشاشه وشكلها .. والتركيب .. والمنظر العام

ويعطيكم العافيه