شعب الأفالون , شيروا علي

[تويـوتا]

السلام عليكم ورحمة الله وبركاته

حيا الله شعب الأفالون , كل واحد باسمه :)
جايكم اليوم طالب شوركم ..
أنا طالب ثانوي ولي فترة أدور سيارة مناسبة ..
ما بقى سيارة الا جت ببالي ..
لكن أخيراً صفيت على ثلاث سيارات .. ثم كنسلت وحده .. ما بقى الا سيارتين

الأولى : أفالون 2010
وبالنسبة لي أقدّس الأفالون 2010 لأنها مريحة وتويوتا ووسيعة ولأني شاري سيارة ابيها تخدمني على الأقل 5 سنوات لين ما انهي الجامعة إن شاء الله
لكن المشكلة بالأفالون 2010 إنها غالية بصراحة !! كل تويوتا غالي بالفترة الحالية
وانا فكرت اصبر لين عقب العيد يمكن تنزل الأسعار بس حتى لو نزلت ما يقارن سعرها بسعر السيارة الثانية

الثانية : أزيرا 2012
الصراحة الأزيرا فاتنتني من زمان .. سيارة خورافية
الشكل الجديد حقها ما اعجبني ابد " ولانب من الناس الي يهمها الحركات الشبابية والدليل اني افكر بافالون 2010 الي هي ارسم من الـ 2011 "
أما شكلها الداخلي والمميزات الي بها .. ساحرة سااااااحرة
عدا اني اعيب عليها انها اصغر من الافالون من داخل
وسعرها فل كامل مع السقف البانورامي والنفقيشن 110
لكن الي مخليني اتردد بالحيل انه كوريه !

شوروا علي يا جماعة , والله محتاااار مرة
الي لهم تجربة مع الأزيرا أو يعرفون أحد مجربها يعطوننا التفاصيل
أنا أقدّر الأفالون بالحيل , لكن سعرها يقهر !
والله يعطيكم العافية