قصة ( معاناتي مع مكيف الكامري )

[تويـوتا]

السلام عليكم

أسعد الله صباحكم / مسائكم

كيفكـ ان شاء الله بخير

من زماان عن هالمنتدى الشامخ

واليوم جاي

اطرح لكم معاناتي مع هالمكيف الي مو راضي يتصلح منذ 4 شهور وانا رايح وجاي

بدياتي معاهـ
قبل 7 شهور كان شغال لاكن AC يفصل ويطلع هواء حار وكنت اروح افحص عند ابو يمن وبكستنه كل واحد يتفلسف
اخر شي طبيت عند باكستاني عند صناعية الخليج حق كمبروسرات ويفحصها لي ويفصل سلك والمكيف شغال وبعدها علقت لمبات لوحة المكيف احاول اطفيها ماتطفي
وطفيت السياره وشغلتها ورااحت الكهررب تماااماً
وبعدها اقرقر معاهـ ليه وماليه
ويوديني عند خويه في صناعية النسيم وخويه يرسلني عند واحد والواحد يرسلني على واحد اخر شي طلعت ورجعت البيت
وبعدها بكم شهر دخلنا بالحرر
قلت لازم ازين المكيف الحين هذا وقته
وديتها الوكاله واخذوا من 350 فحص وثلاث ايام السياره عندهم
اتصلوا علي واعطاني برنت لاكن شوفوا السعر وهذا الرابط نزلته قبل مده

http://www.toyota4arab.com/forum/t189367.html (http://arabmotors.mosw3a.com/!189367!http://www.toyota4arab.com/forum/t189367.html)

وديته ورشه وفككلي السياره وماعرف شنو الخراب ووديه ورشه ثانيه وفككها ويقول كمبرسور خربان جيب حق 2007 انا الي معاي حق 2004 توليف واخذ 100 ريال
وطلع الخراب مو من الكمبروسر طلع من الكهرب بس مااادري وينه بالضبط
واروح لمحل كمبروسرات في الصناعية القديمه ويقول هذي مشكله في الكهرب ويوصفني على مصري اسمه السيد ومعروف في الصناعيه كهربائي
قلتله الشغله كذا وكذا قال لازم نفحصه ونفككها بـ 150 ريال قلت طيب اللوحه مو خربانه والكمبروسر مافيه شي قال يمكن عندك قطعه ورا مكيف الثلاجه
واروح التشليح من اليوم الثاني الصباح واوقف عند تشليح دبي واحد يمني اسمه علي هذا كنننق ويعرف الكوامري وانسان طيب واخلاق
وجابلي القطعه من 200 ريال الى 80 ريال خصم قلت طيب ركبها لي قال لازم كهربائي
قال فيه قطعه ثانيه الي هي لوحى الاي سي تحت الدرج وفعلا راح جابلياها وركبها
فك افياش فقط وركب
ويوم شغلها ولعت لمبة المكيف التهويه تأشر 4 مرات وبعدين يشتغل المكيف ويدفع هواء قوي وبعدين يتغير اتجاهه فوق
بس المرووحه معللقه يعني حاط المكيف على off والمكيف يضل شغاال والدفع قوووي
شريت القطعه بعد مكاسره من 200 الى 150 ريال
وارجع البيت واقوم ووديها كهربائي وماخليت صناعيه بالرياض ولا ورشه الا دخلتها
رحت لفحص الكمبيوتر يقلون مايبين لان لازم حساسات وفي ناس ماعندهم
وناس تقول برمجه
اخر شي رجعت للمصري الي بالصناعيه
وقلتله طلعلي الخراب فيها وهو طبعا مزحووم جدا
قال تعالني الصباح واجيه من الساعه 7 وادخل السياره ودقيت عليه قال خلاص خلها وروح
وارجع البيت بتكسي 20 ريال
ويجي الظهر ويدق علي يقول علبة الفيوز الداخليه خربانه
قلت هالمصري خلااص هو الي قدر عليها وكنا متفقين على 700 ريال تصليح
ودق على علي بالتشليح عشان القطعه وكان سعرها بـ 500 ريال بعد المكاسره 300 ريال
وجاء العصر واخذ تاكسي للتشليح وبعدها للصناعيه بـ 40 ريال
وجبت القطعه للمصري
وتعب فيها فك وركب شغلتها صعبه قلت الحين بشتغل المكيف
ويوم دقيت السلف ونفس الحاااله
ونزلنا القطعه الجديده وركبت القديمه ورميتها عنيد بالسياره الحين

مضى الحين 4 شهور
ورحت التشليح حول 6 مرات والصناعيات 20 مره
مرتين للتشليح في يوم واحد في العصر
وغير الخساير
الفحوصات 700 كلفتني
يعني خسرت للحين 1000 ريال بدوووووون اي فايده

وقررت اني ابيع السياره واشتري امريكي كرايسلر ولا تشارجر ولا كابرس لاني عااايش على الحرر والقرف الحين


وانا خااطري بالكامري لاكن المكيف مشكلته مشششكله


عارف تعبتكم مع هالقصه الاليمه اللمبكيه الل مدري شسمه


الي عندهـ شي غير الكلام الي فوق يعطيني وانا ان شاء الله انفذ وان صلح بتكون له دعوهـ عن ظهر الغييب