كيفية معرفة تنزيل الكيلو للسيارة

[التاجر الاماراتى]

بسم الله الرحمن الرحيم


السلام عليكم ورحمة الله وبركاته


اليوم بخبركم عن كيفية معرفة سيارة منزل الكيلو مالها ولا لا وهي طرق سهلة جدآ
وبعد في ناس خبرة خبرة تعرف كيف تنزل وما ينعرف والي بقوله حسب خبرتي القصيرة يعني بعد الي يقدر يساعد جزاه الله خير

1- قبضات البيبان من الداخل يعني لو موتر مثلا ماشي 20 الف ما بتكون القبضة ماله لينة من الشمس ولا مسودة من كثر الاستخدام

2- السكان من فوق ما يكون لين وما يكون متليف ولا طاير لونه ولا فيه خدوش كثيرة

3- لون الجلد الداخلي الكراسي ما تكون مهلوكة جدآ

كل الي ذكرته ينصبغ وما يبين السيتات الي هي اهم شي تبين والطريقة من الضغط على الجلد تكون فيه نفس التشققات كثيرة جدآ والجلد يكون لين

4- من حالة السيارة من البنيت تمشي ايدك عليه لو فيه ضربات حصى بتبين هذا اذا كان ماشي شوي ومن اليتات والمدعمية الجدام بعد ضربات الحصى

5- من البراغي مال طبلون الي فوق مب كل السيارت نفس الرنج فيها تشوف اذا كانت مفتوحة قبل ولا لا يكون فيها خدوش بسيطة

6- بالنسبة للبي ام من الصعب الصعب تنزيل الكيلو ماله لانه في الوكالة ينعرف بسرعة والانسان الي يبا يحافض على الكيلو ماله يتم يخلي المفتاح في الفتحة ماله بالسيارة لانه المفتاح هو يطلع لك كل شي بالسيارة وما شاء الله فحصهم عادي يطلع لك كم ماشي الموتر من الرنق اذا كان مب ابدل

ها الي اقدر افيدكم فيه والسموحة منكم على التقصير