المساعد الشخصي الرقمي

مشاهدة النسخة كاملة : وش الحل مع وكالة عبداللطيف جميل

تويـوتا
07-26-2011, 03:38 PM
السلام عليكم ورحمة الله

صباحكم -مسائكم فل


الموضوع باختصار انة يوم الاحد اتصلت على رقم تويوتا المجاني علشان اشتري اف جي قير عادي واعطوني رقم موظف مبيعات في فرع طريق المدينة بجدة

المهم كلمت الموظف وقالي طلبك موجود . قلت خلاص احجز الجيب علشان اروح البنك واودع لك المبلغ .... قال ما اقدر احجز السيارة الا لما يكون الفلوس كاملة في حساب الشركة ...قلت خلاص ابشر ورحت للبنك واودعت لهم 119900 ريال. وارسلت لة الايصال حق الايداع علشان يحجز السيارة ... وقالي خلاص انا برفع لك طلب حجر....قلت لة منت تقول ان السيارة متوفرة كيف باقي ترفع طلب ...قال ولا يهمك العملية بسيطة وما تستغرق وقت كلها ساعات ارسل ايصالك للادارة ويرسلو السيارة للفرع(المخزون)على حسب تسميتة .. قلت ماشي

ومن ذاك اليوم الي كتابة هذا الموضوع وانا في انتظارهم ولا حجزو لي السايرة ولا حتى ردو لي فلوسي ...


وش الحل معاهم

واذا واحد منكم يعرف رقم جوال اي مسؤول في الشركة يعطيني خبر..

وقبل شوي كلمت الادارة على تلفون ثابت وجاوبني موظف خاص في علاقات العملاء يقول ما وفرو لك الجيب علشان انت ما اخذت معاه اكسسوارت.... صراحة بغيت اقفل الخط في وجهه من وقاحة ردة