توبه ادخل وكاله !

[تويـوتا]

السلام عليكم ورحمة الله وبركاته


بعد شكوك وظنون حارت في بالي .. عزمت ادخل سيارتي الوكاله وهي موديل 99 .. بس نظافتها الحمدالله ماهو كلامي كلام كل من شافها ..



عيبي اني ماقتنعت ودخلتها الوكاله فحص شامل ..

جلست يومين فالوكاله ..


وخلال هاليومين جالس احسب حسبتي .. الفين ثلاثه الف... يالله لو اربعه بنتدبرها ..



وصلت اليوم إلى وكالة داناتريد من شان اشوف السياره وكلي حماس ..

وبختصار قالولي 45 الف درهم .. تصليحات سيارتك ..!!


بصراحه وقتها حسيت اني راكب على سكراب ..


سحبت سيارتي بأقصى سرعه وطلعت ورجعتها .. وحرمت ادخلها لو تغير زيت حتى !


المشكله يا اخوان فيها بعض العيوب فالاستيرينق والقير ..

والعيب اني ماعرف وين اوديها لقلة خبرتي وبما انها كبدايه بالنسبه لي في عالم السيارات خشيت من جزارين السوق فلجئت إلى الإيدي الامينه ( دانا تريد) فنصدمت صراحه صدمه كبيره ..


وحالياً مازلت مستمر وابحث عن ورشه نظيفه فالصناعيه واتمنى تدلوني

وتوبه يالوكاله ندخلش تووووبه :SnipeR (98):