مساعده مشكله واريد حل من اصحاب الخبره لاندكروزر 2010

[تويـوتا]

السلام عليكم..

تحية طيبه ولدي استفسار ويمكن بعضكم اول مره يسمع فيه وياليت من مر بنفس المشكله يعطينا الحل..

الموتر:لاندكروزر 2010 6سلندر فل كامل
الحاله: ممتازه والحمد لله ولايوجد اي صدمه
المشكله: تابعوا معاي..هههههههههه بأشرح لكم وركزوا

عندي سلمكم الله لمبة الابواب الي في الطبلون ((لمبة التحذير بوجود باب مفتوح))مع اللمبه الداخليه (تضيء) احيانا وانا ماسك طريق واحيانا وانا واقف مع العلم ان جميع الابواب مقفله ولامسكها احد؟؟ معقوله!! تعالوا تفرجوا ببلاش وشوفوا.. هههههههههه
وافتح الابواب واقفلها كلها وماتطفي لمبة التحذير.. ولكن اذا فتحت الباب الخلفي (الشنطه) واقفلته تطفي اللمبه وترجع بعد فتره تنور وانا ماشي في طريقي؟؟ احيانا اوسوس اقول من يركب معاي وانا ماسك خط؟؟ههههههههه

وعجزت احصل حل ومااعرف ولاحصلت مكان حساس اللمبه في باب الشنطه؟؟ قلت يمكن منه المشكله

واحياناً وانا بعز نومي يبدأ الموتر يعطي تنبيه الي ينذر بوجود باب مفتوح وانواع البواري طاط طاط طاط طاط والناس نايمه بسبب ان اللمبه اشتغلت من نفسها وماحد قرب للموتر واظطر احياناً للنزول للموتر ومعاي( مخدتي )وافتح الشنطه واقفلها لاجل يروح التنبيه طبعاً هذا اذا مانفع معاي الريموت وانا متسدح بفراشي..

ارجوكم مساعدتي وحل مشكلتي او عرضها على شيخ وان وجد شيخ تنصحوني ازوره يقرى علي وعل موتري مافي مشكله هههههههههههه بس احصل حل..

شاكرين ومقدرين متابعتكم لقصتي ولكم دعوة مني بأن يكتب الله لكم ولي الاجر في رمضان ومبروك عليكم الشهر.. لاتنسون ادعوا لي..

نسيت اقول لكم!!!!!

عبداللطيف جميل يقول موترك مابه البلا كل شهر جاينا ابلشتنا يالله حسن الخاتمه ومن يدخل لعبداللطيف جميل يعتدل وترحل جنونه وماترجع له حالته.. ومن ارجعه البيت تجيه جنونه..

كل عام وانتم بخير