تويـوتا
08-02-2011, 09:28 PM
معاناتي باستيراد سيارة من امريكا عن طريق مؤسسة مزادي
اخواني .. السلام عليكم ورحمة الله وبركاته
انا واحد من الي تورطوا مع مزادي لاستيراد السيارات من امريكا .. طبعا القصة طويلة و راح احاول اختصرها قدر الامكان
اولا للي مايعرف المؤسسة .. هذي مؤسسة لاستيراد السيارات من امريكا و فرعهم الرئيسي حي الربوة بين مخرج 13 و 14 وصاحب المؤسسة هو عبدالرحمن الحارثي
الي يرحب فيك قبل ماتدفع و قابلني لو حتى رد عليك بعد ماتدفع
طبعا اول مادخلت المعرض انبهرت بالشاشات وانك تشوف المزاد قدامك مباشر ولكن تخوفي من المبزرة الي يشتغلون اتوقع اكبرهم عمرة 15 سنه طبعا غير اللغة الي رايحة فيها خلاني اتعامل مع ابو ياسر (عبدالرحمن الحارثي) الى بالاخير حولي عن المبزرة
اول ماتدخل راح يعبون راسك ان عندهم مندوب بامريكا وانهم يفحصون السيارات و انهم يفعلون والخ من الكلام الي اكتشفت انه غير صحيح ولكن متاخر بعد مادفعت فيمة السيارة
من الاشياء الي اكتشفتها متاخر ان العقد الي انت توقعة معاهم يحمي المؤسسة ولا يحمي العميل- ابي اعرف وين وزارة التجارة عن مراجعة العقود - خذ مثلا:
لو تاخرت السيارة على العميل الانتظار حتى وصول سيارتة ( يعني لو تجلس 10 سنين مايرجعون فلوسك) على فكرة يقولك السيارة راح تأخذ من شهر الى شهرين ولكن سيارتي اخذت اكثر من 7 اشهر وفيه واحد قابلته لما استلمت سيارتي له 8 شهور يستنى سيارته
لو تشلحت سيارتك مالهم دخل ولا يعوضونك .. كل الي يسونه يرفعون خطاب للجمارك (مجرد شي شكلي) انسى انهم يعوضونك نفس الشي لو انصدمت سيارتك بالجمارك ما راح يعضونك .. ولو رفعوا مطالبة للجمارك .. الجمارك راح تقول اثبت ان الحادث كان عندنا يعني الله يعينك تصلح سيارتك
تخيلوا لما رحت استلم سيارتي شفت واحد وصلت سيارته نوعها تشارجر ياناس الصدام الامامي كانوا حاطينه بمرتبة وراء ... سلاماااااات
و السياره مشلحة بالكاااااااامل
أشياء تشيب الراس وغيرها من الاشياء الي صراحة ماادري كيف وافقت عليها .. ولكن يمكن ان توقعي انها ماتصير وتطميناتهم انهم راح يربطون الاستبنه بالسلاسل و انهم راح يفكون القطع الى تتشلح عادة ويرسلونها بالبريد هو الي خلاني اوقع العقد معهم .. غير انهم قالوا كل الي طلبوا عن طريقنا جت سياراتهم خلال شهرين
الى اكتشفت انه كذب بكذب ..
انا تشلح من سيارتي الاستبنة و الشاشة قيمتها 12 الف ريال
طبعا اول ماوصلت السيارة رحت فحصتها بالنسيم عند البريدي و كارتك وكل الفحصين اثبت ان السيارة تعرضت لحادث وان الايرباق طالع وان السيارة تصلحت بامريكا
طبعا مزادي قالوا ان مندوبهم (( نصابين طبعا)) فحص السيارة وان السيارة سليمة ولكن تقرير الفحص بالرياض اثبت انها تعرضت لحادث كبير
طبعا لما راجعت مزادي (( قال لي بالحرف الواحد)) الله يعوضك وما عندنا لك شي .. فرق اسلوب التعامل اول مادخلت عليهم وبعد ماشريت السيارة
طبعا مكتوب بالعقد لو كانت السيارة مصدومة فان المؤسسة تبيع السيارة متى ما انباعت ويرجعون راس مالك
يعني انا بنك التسليف مثلا تجيب سيارة على حسابي و لو طلعت مصدومة تبيعها بالمعارض و اجلس فلوسي معلقة سنه او متى ماباعوا السيارة والارباح لهم و راس المال يرجع لي (( معليش بس قوية بامزادي)) حتى هذي ما تتحملونها و كله على ظهر العميل المسكين
طبعا نسيت اقولكم ان العمولة المرتفعه و المصاريف الي تدفها بدون مايعطونك فواتير مثل قيمة الشحن داخل امريكا وغيره من المصاريف الي توصل ل 30 الف ريال فوق قيمة السياره .. وياتدفع يانبيع السياره وناخذ حقنا ونرجع لك الباقي خلت قيمة السياره اعلى من المعروض بالصالات بكثير
طبعا هم يقولون لك ان السيارة راح تكلف فوق قيمتها حدود 20 الف ولكن اذا وصلت السيارة حطوا لك مصاريف فوق الى قالوا لك بكثير (( وحسب العقد انت مجبر انك تدفع بدون نقاش))
النقطة الثانية السيارة معلوب بالعداد حقها السيارة كانت ماشية 50 الف ميل ولكن الفحص يقول ان السيارة اقل شي ماشية 200 الف ميل من حالة المكينة و اسفل السيارة
مع العلم ان تقرير الكارفاكس سليم
الي ابي اعرفة وين وزارة التجارة – حماية المستهلك – نصب على العالم عيني عينك ولا احد وقفهم عند حدهم
و دعاياتهم بكل المنتديات (( المبزرة الي شغالين بالصاله ماخلوا موقع ماكتبوا فيه وداخلين على اساس انهم زباين و شغالين مدح بالمنتديات)
ياناس الي يبي يشتري سيارة يروح يشتري بنفسه اقل شي تشوفها بنفسك ولا احد يلعب عليك
طبعا انا كلفتني السيارة فوق قيمتها 37 الف ريال ( لو حسبنا خسارتي بسبب الحادث والشغلات الي تشلحت بالجمارك)
حسبي الله ونعم الوكيل
والله لايسامحهم ولا يحللهم لا دنيا ولا اخرة (( يمهل ولا يهمل )) والشكوى لله
اقل شي ممكن تسويه اننا نوعي الناس بنشر هذا الموضوع بالمنتديات
اخواني .. السلام عليكم ورحمة الله وبركاته
انا واحد من الي تورطوا مع مزادي لاستيراد السيارات من امريكا .. طبعا القصة طويلة و راح احاول اختصرها قدر الامكان
اولا للي مايعرف المؤسسة .. هذي مؤسسة لاستيراد السيارات من امريكا و فرعهم الرئيسي حي الربوة بين مخرج 13 و 14 وصاحب المؤسسة هو عبدالرحمن الحارثي
الي يرحب فيك قبل ماتدفع و قابلني لو حتى رد عليك بعد ماتدفع
طبعا اول مادخلت المعرض انبهرت بالشاشات وانك تشوف المزاد قدامك مباشر ولكن تخوفي من المبزرة الي يشتغلون اتوقع اكبرهم عمرة 15 سنه طبعا غير اللغة الي رايحة فيها خلاني اتعامل مع ابو ياسر (عبدالرحمن الحارثي) الى بالاخير حولي عن المبزرة
اول ماتدخل راح يعبون راسك ان عندهم مندوب بامريكا وانهم يفحصون السيارات و انهم يفعلون والخ من الكلام الي اكتشفت انه غير صحيح ولكن متاخر بعد مادفعت فيمة السيارة
من الاشياء الي اكتشفتها متاخر ان العقد الي انت توقعة معاهم يحمي المؤسسة ولا يحمي العميل- ابي اعرف وين وزارة التجارة عن مراجعة العقود - خذ مثلا:
لو تاخرت السيارة على العميل الانتظار حتى وصول سيارتة ( يعني لو تجلس 10 سنين مايرجعون فلوسك) على فكرة يقولك السيارة راح تأخذ من شهر الى شهرين ولكن سيارتي اخذت اكثر من 7 اشهر وفيه واحد قابلته لما استلمت سيارتي له 8 شهور يستنى سيارته
لو تشلحت سيارتك مالهم دخل ولا يعوضونك .. كل الي يسونه يرفعون خطاب للجمارك (مجرد شي شكلي) انسى انهم يعوضونك نفس الشي لو انصدمت سيارتك بالجمارك ما راح يعضونك .. ولو رفعوا مطالبة للجمارك .. الجمارك راح تقول اثبت ان الحادث كان عندنا يعني الله يعينك تصلح سيارتك
تخيلوا لما رحت استلم سيارتي شفت واحد وصلت سيارته نوعها تشارجر ياناس الصدام الامامي كانوا حاطينه بمرتبة وراء ... سلاماااااات
و السياره مشلحة بالكاااااااامل
أشياء تشيب الراس وغيرها من الاشياء الي صراحة ماادري كيف وافقت عليها .. ولكن يمكن ان توقعي انها ماتصير وتطميناتهم انهم راح يربطون الاستبنه بالسلاسل و انهم راح يفكون القطع الى تتشلح عادة ويرسلونها بالبريد هو الي خلاني اوقع العقد معهم .. غير انهم قالوا كل الي طلبوا عن طريقنا جت سياراتهم خلال شهرين
الى اكتشفت انه كذب بكذب ..
انا تشلح من سيارتي الاستبنة و الشاشة قيمتها 12 الف ريال
طبعا اول ماوصلت السيارة رحت فحصتها بالنسيم عند البريدي و كارتك وكل الفحصين اثبت ان السيارة تعرضت لحادث وان الايرباق طالع وان السيارة تصلحت بامريكا
طبعا مزادي قالوا ان مندوبهم (( نصابين طبعا)) فحص السيارة وان السيارة سليمة ولكن تقرير الفحص بالرياض اثبت انها تعرضت لحادث كبير
طبعا لما راجعت مزادي (( قال لي بالحرف الواحد)) الله يعوضك وما عندنا لك شي .. فرق اسلوب التعامل اول مادخلت عليهم وبعد ماشريت السيارة
طبعا مكتوب بالعقد لو كانت السيارة مصدومة فان المؤسسة تبيع السيارة متى ما انباعت ويرجعون راس مالك
يعني انا بنك التسليف مثلا تجيب سيارة على حسابي و لو طلعت مصدومة تبيعها بالمعارض و اجلس فلوسي معلقة سنه او متى ماباعوا السيارة والارباح لهم و راس المال يرجع لي (( معليش بس قوية بامزادي)) حتى هذي ما تتحملونها و كله على ظهر العميل المسكين
طبعا نسيت اقولكم ان العمولة المرتفعه و المصاريف الي تدفها بدون مايعطونك فواتير مثل قيمة الشحن داخل امريكا وغيره من المصاريف الي توصل ل 30 الف ريال فوق قيمة السياره .. وياتدفع يانبيع السياره وناخذ حقنا ونرجع لك الباقي خلت قيمة السياره اعلى من المعروض بالصالات بكثير
طبعا هم يقولون لك ان السيارة راح تكلف فوق قيمتها حدود 20 الف ولكن اذا وصلت السيارة حطوا لك مصاريف فوق الى قالوا لك بكثير (( وحسب العقد انت مجبر انك تدفع بدون نقاش))
النقطة الثانية السيارة معلوب بالعداد حقها السيارة كانت ماشية 50 الف ميل ولكن الفحص يقول ان السيارة اقل شي ماشية 200 الف ميل من حالة المكينة و اسفل السيارة
مع العلم ان تقرير الكارفاكس سليم
الي ابي اعرفة وين وزارة التجارة – حماية المستهلك – نصب على العالم عيني عينك ولا احد وقفهم عند حدهم
و دعاياتهم بكل المنتديات (( المبزرة الي شغالين بالصاله ماخلوا موقع ماكتبوا فيه وداخلين على اساس انهم زباين و شغالين مدح بالمنتديات)
ياناس الي يبي يشتري سيارة يروح يشتري بنفسه اقل شي تشوفها بنفسك ولا احد يلعب عليك
طبعا انا كلفتني السيارة فوق قيمتها 37 الف ريال ( لو حسبنا خسارتي بسبب الحادث والشغلات الي تشلحت بالجمارك)
حسبي الله ونعم الوكيل
والله لايسامحهم ولا يحللهم لا دنيا ولا اخرة (( يمهل ولا يهمل )) والشكوى لله
اقل شي ممكن تسويه اننا نوعي الناس بنشر هذا الموضوع بالمنتديات