تنظيف حساسات الايدل و الماف بالفيرنا (فيديو )

[المهندس]

بسم الله الرحمن الرحيم

اولا و قبل كل شيى احب اقول ان دى تجربه شخصيه و جربتها على عربيتى علشان اتحمل مسئوليتها

طبعا كلنا عارفين ان الحساسان من الاجزا المهمه فى العربيات الحديثه و يجب دائما مراعتها نظيفه علشان اداء العربيه يكون جيد معانا

طيب بيتنظفوا كل قد ايه

البوابه انا بنظفها كل خمسه الاف كيلو و الحساسات كل 30 الف علشان برضو انا مش بحب العب فيها كتير

نيجى بقى للادوات المستخدمه

1 - مفك صليبه
2 - مفتاح عشره بلدى
3- gunk crab medic
و اخر حاجه دى اسبراى بنستخدمه فى التنظيف انا جيبته من بنزينه موبيل fji ب 28.5 و هو اصلا بيتباع بحوالى 25 جنيه فى شارع دمشق و دى صورته
لازم نكون حذريين جدا فى استخدامه علشان ضار جدا بالعيين و لو جيه على جلدك هايخليك تهرش نههههههه

http://www.gunk.com/product_images/LG_M4815NC.JPG


نيجى بقى للفيديو
http://www.youtube.com/watch?v=GfVqZdmUaBI

بعد ما ركبت كل حاجه و دورت العربيه مادارتش من اول مره دارت من ثالث مره و ده بسبب انى رشيت من الاسبراى كتير و نزل فى المنافول الى البوجيهات

عاوز اقول حاجه لما تدور العربيه بعديها و تلاقيها طلعت دخنه بيضه محدش يقلق هاتكون لفتره بسيطه و تعدى