معلومه نصيحة عند تغيير القزازه الاماميه للاف جي من باب التجربه

[تويـوتا]

السلام عليكم ورحمة الله وبركاته


نصيحة الي يبغاء يغيير القزازه الاماميه للافجي من باب التجربه الي صارت معي

لا تصلحون عند محل زجاج من هب ودب ياشيخ لو تدفع الف ريال في الوكالة ولا تصلح

عند ابو 600 ريال انا صارلي موقف معهم بعد ماركبت زجاجه الامامية من نوع فرلندي

عند محل في الصناعيه سألته هل صلحت زجاجه اماميه لأفجي قبلي قال ايوااا

قلت اجل على بركة الله شيل القزازه القديمه وركبلي وحده ثانيه وابو هناد قعد يحوس

ويدوووس بسيارتي لين فكها وركب الجديده قالي لا تفك الشطرتونات الا بعد ثلاث ايام :SnipeR (1):

الحرص الزايد من ابو هنااااد قلت اوكي وعطاني ضمان عن المويه والتنسيم الهواء قلت حلو

خلصناء السيارة ومشيت للبيت وقفتها يوم كامل عشان ينشف المعجون الالماني الي في القزاز

وتحت الشمس عشان ينشف وبعد 4 ايام فكيت الشطرتونات وغسلتها عن اثر الشطرطون

ومشيت في السيارة الا جت المفاجأة الكبيرررة وهي لا مووويه ولا صوت هواء وش تتوقعون :SnipeR (34):
صوت صرصرة في القزازه القداميه وراء البوصلة بضبط الي على الطبلون وارجع للمحل ويحط لي

معجون من جواء السيارة بين الطبلون والقزاز والمشكله قائمة لليوم هذا رحت لمحل كبير

مختص بالقزاز وشاورته قالي اصلن اف جي بذات يجلس عندنا يوم كامل مايطلع من المحل

وانت وليش تحوس سيارتك عند ناس ماتفهم واحتمال كبير مكسرين لك الكلبيبسات حقت
القزاز وهذي القطعه بالوكاله تساوي 500 ريال قلت صار الي صار قال تجيني بعد العيد وان شاالله

خير افك لك القزازه واحتمال انك تجيب معك القطعه الي تجي فوق عند التنتدة السيارة تمسك القزاز من فوق من الوكاله ونشيل لك القديمه لانها احتمال مكسرين الكلبسات ومعبينها سليكووون

وفي نهاية الحلقة يقولي ابو هنااااد انتا ليش في وسواس كثير عشاااان صووووت مافي مشكل

قلت الله ياخذ عقلك هذا موديله 2009 مو ددسن 79 اااااه يالقهرررررر:SnipeR (98):