مشكلة في اللاند وحلها

[تويـوتا]

السلام عليكم

هناك بعض المشاكل الغريبة وقد تحدث مع الجميع في سياراتهم

وحبينا كل واحد يحط المشكلة اللي واجهته أو سمع عنها وكيف كان الحل لها

ليستفيد الجميع

وسأبدأ بمشكلة سمعتها من قريب خبرة في اللاندكروزر

يقول كنت في ورشة اصلح سيارتي وكان بجواري راعي لاندكروزر يشتكي من مشكلة

ان سيارته عندما توصل سرعه 140 يقطع البنزين مع ان سيارته موديل قديم أقل من 2000

وكان صاحب الورشه يقولة غيرت البخاخات يقول غيرتها وكالة وما نفع

قال غير طرمبة البنزين قال غيرتها مع التانكي كامل ومانفع

قال غيرت الفلتر حق البنزين قال غيرته

يقول يوم سمعته يشرح للرجال وسمعت الردود

تدخلت وقلت وش رأيك افحص سيارتك اذا سمح راعي الورشة

وراعي الورشة يعرف انه خبير فقال مادام الرجال غير كل هذي افحص الموتر يابو فلان

قال حطوه على الحفرة

ونزل تحت الحفرة وطلب العامل وقال له افصل انابيب البنزين اللي تطلع من التانكي متجهه للماكينة

وتجي بجوار الشاص عبارة عن انابيب معدنية صغيرة وفصلها وطلع قال رح غير هذي قال ما فيها شئ

قال لا فيها تشوف العفطه الصغيررررره ضربة حصاة في الأنبوب

قال هذي عفطه صغيرة ولا وصلت حتى لباطن الأنبوب قال ما عليك غيرها

قال صاحب الورشة تراها عندي تشليح في سيارة عندي ب 15 ريال اذا تبيها

قال جبها وركبوها بدل القديمه

وطلع الرجال بالسيارة ومارده ألا 180 كيلو / ساعه

ورجع يشكر الرجال

واتمنى تكون القصة فيها ائده

ونبي نسمع منكم