استفسار استفسار عن سعر الكامري

[تويـوتا]

السلام عليكم

مساء الخير كيفكم وش اخباركم ..؟
بدخل بالموضوع مباشره بدون اي مقدمات
انا معاي كامري 2009 جي ال اكس بدون فتحه ولا جناح القير اوتو ماشيه 140 الف
اللون ابيض على يدي من الوكاله
ولا لي نيه في البيع الا بعد ماقررت اسافر برا لاني توني متخرج من الثانوي ولا احد عطاني وجه بالسعودي وقلت ببيع وبطلع ع حسابي برا
واليوم رحت معارض الحساء ووصل سومها 56 الف الحمدلله السياره مافيها صدوم بس الصدامات مرشوشه ومعتني فيها بالحيل واخر صيانه 100 الف في الوكاله ومن بعدها في رد كاب السياره كارفها خطوط والله بس محافظ عليها من ناحية زيوت ومويه وكل شئ
وانا شفت سوق الحساء اليوم وجابت لي 56 بس سوق الحساء تعبااان مره محد يصمل اذا قلت له عربونك قال راعني بالسعر :SnipeR (11):الحين سايمها ب 56 وتقول راعني بالسعر ههههههههههه لحسوا مخي قسم بالله
ف ودي تنصحوني معارض الرياض ولا الدمام احسن وتتوقعون تجيب اعلى من كذا ولا بتوقف على السعر ذا
طبعا فيها زنون عالي وواطي وجلد الماني من داخل مكلفني 700 ريال والوجيه شبه جديده ماجاها عج والسياره من داخل نظيفه ومن برا نظيفه محركات الحمدلله تمام مالها اي حس
ياليت تفيدوني :SnipeR (87):