أرغب بشراء سكويا دبل

[تويـوتا]

تحيه طيبه للجميع

كنت محتار في نوع السياره الي اشتريها
فكانت الخيارات كالتالي
يوكن
تاهو
لاند كروزر
بعدين طلع بالسحب سكويا دبل

الامكانات كانت بحدود 140 الف
اليوكن والتاهو كانن الاقرب لتناسب السعر
الاند المستعمل شلته من فكري لان المبلغ يدوب يجيب جيب ماشي 200 الف وهذا ما اعجبني
اليوكن عيبه الي شفت ان له سبع سنوات شكل واحد 2012 زي 2007
وبعد يمكن سنه يتغير ويروح رونقه ان ضل فيه رونق

بعد زيارت منتادكم بديت اقتنع بسكويا
ومع المتابعه لكم صرت متحمس له كثير

افضل المميزات الي شفتها :
1- شكله الي يعاب فيه اعتبره شكل مميز بين السيارات ونوعيته قليله ويعطيك تميز
2-نوع تويوتا ماركه
3- اتساعه
4- دبل
5-قوة مكينته وقيره ونوعيتهن الفاخره
6- لم اسمع عنه اي مشاكل ميكانيكه او عيوب مصنعيه
7- الحماس الغريب والقوى من اعضاء منتداكم
8- سعره اعتبره مناسب

الحين ابي منكم خدمه يليت تفزعولي فيها

ابي سكويا دبل بدون فتحه ابيض لؤلؤي موديل 11 بسعر كويس
سمعت ان فيه معارض تبيعه ارخص من ابو جميل بخمس الاف وين القاها فيه
قالو القصيم وقالو الرياض وقالو الغربيه

وبعدين لو ابي مستعمل ماشي اقل من عشر الف كيلو زي الوكاله كم يكون سعره وين السوق الي القاه فيه

هذا والله يحفظكم

مشكور على المعلومات الكثيره والمفيده بمنتداكم الكريم