تجربة الزينون للنور العالي بدرجة 4300k

[تويـوتا]

السلام عليكم ورحمة الله
ادري اني تاخرت عليكم بسالفة الزنون للنور العالي لكن كان غصب عني .. الانترنت عندي ماكان يقبل الابلود (التحميل ) للصور او الفيديو .. وماكان الحل الا اخذ اللابتوب مع الكونيكت .. والقهوة مع التمر .. واخيم جنب برج موبايلي ... علشان اكمل التقرير

--------
بالنسبة لي ماعندي خبرة بالزنون اللي عليها العلم ... لكن بعد ماتصفحت خبرات الشباب في المنتدى ونقاط الضعف والقوة ... بمواضيع الزنون ... قلت خلني اجرب ولاني بخسران شيء لانه من الاساس النور العالي للسكويا ... على كبر الشمعات الا انه مايجمل وخاصة اذا نطحك واحد على الطريق ولاهو معبرك ... ومحرق عيونك بنوره ...ومهما تعطيه العالي بدون مبالغه كانك تكبسله بكشاف ...
---------------

المهم اني حصلت واحد من الشباب عنده نوعية جديدة من المحولات وكانت مواصفاتها التقنية ممتازة .. وهو جايبها من الصين ومصنوعة له على حسب الطلب وبجودة عالية وسعرها جدا معقول ..فقلت اجرب من عنده واضرب عصفورين بحجر اول شيء اتعلم سالفة الزنون والشي الثاني ... اربّح ابن بلدنا بدل ماخذها من عند هندي او بنقالي بمحلات الاكسسوارات ..

وهنا رابط البيع الخاص بالمحولات

http://www.toyota4arab.com/forum/t203084.html (http://arabmotors.mosw3a.com/!203084!http://www.toyota4arab.com/forum/t203084.html)

وبصراحة ماقصر معاي وكان على اتصال دائم الى ان وفر النوعية الممتازة من الكتاوتات .. ونوعية لاباس بها من الشمعات .. الدارجة بالسوق وارسلها لي ..
والحين نبدأ بالصور ... وسامحونا على قلة الشرح ..

http://www.toyota4arab.com/upload/i/00006/7926pf2nenpy.jpg

هذه هي المحولات .. بعد ماوصلت

http://www.toyota4arab.com/upload/i/00006/1vo3ezm3mmn1.jpg

وهذا الكتاوت ... وانا طلبته منه .. لاني افضل ان اشبك المحولات على البطارية مباشرة .. ويكون كهرباء النور العالي من السيارة مجرد تشغيل للكتاوت لتوصيل الكهرباء بدون مايكون فيه حمل على كهرباء السيارة ..

http://www.toyota4arab.com/upload/i/00006/zegh243jb577.jpg

هذه هي الشمعة على اليسار وعلى اليمين شمعة السيارة الاصلية الهالوجين
طبعا المقاس هو 9005

http://www.toyota4arab.com/upload/i/00006/5mrsfih72dkr.jpg


هنا واضح تمديد ضفيرة الكتاوت للمحول الايمن .. وخليتها من خارج الرديتر فوق المروحة ..على نفس .. الحلق حق لقمة الكبوت علشان يكون بعيد عن الحرارة

http://www.toyota4arab.com/upload/i/00006/vsiaom0us2om.jpg


هنا المحول الايسر ثبتّه بالرفرف الداخلي .. واستخدمت مسامير موجودة مسبقا بدون تخريم ...
وبرضه واضح الكتاوت ثبتّه بحامل البطارية .. والسلك الاحمر هذا الكهرباء اللي موصلة للكتاوت ومعاها فيوز 30 امبير ..


http://www.toyota4arab.com/upload/i/00006/vi69f26316qo.jpg

هنا المحول للجهة اليمين .. برضه مثبت بالرفرف .. بجانب قربة الهواء

http://www.toyota4arab.com/upload/i/00006/8ux6h5vf2oym.jpg

هنا شكل الاضائة بعد ماسخنت الشمعات .. ولونها واضح انه مقارب للبياض ..

http://www.toyota4arab.com/upload/i/00006/83u68zv8fm2h.jpg

هنا الفرق بين اضائة الزينون والهالوجين .. من ناحية درجة اللون والقوة ..


===========================
بالنسبة للوقت اللي تاخذه للتسخين ...تقريبا 5 ثواني او اقل .. لكن مجرد ماتولع النور ماياخذ وقت طويل الا وهو قوي ثواني .. والى ان يصبح لونه ابيض مائل للصفار .. بحدود 5 الى 8 ثواني ...
واتوقع ان الشمعة لها دور كبير ... لكن باجرب شمعات اصلية واشوف الفرق بينهم






==========================

نصيحة :
انا انصح انه مايستخدم الزينون للنور القصير او كشافات الضباب ... بطريقة مباشرة بدون عدسات ... لانه بصراحة تصميم بيت النور القصير والكشافات مخصص للهالوجين .. وبما ان شمعة الزنون طويلة شوي .. فرايح يكون النور مشتت وقوي جدا ..لكن بدون فائدة .. ويكون له أذى على السائقين بالطريق ..
ولا رايح تحصل منهم الا الدعاء عليك .. لكن بالنسبة للنور العالي بما ان استخدامه غير مستمر بالقيادة .. .. فانا اشوف انه ممتاز ولا له ضرر على الاخرين .


================================
مشروعي المستقبلي للنور القصير لكن بنكهة ثانية ... وهي تركيب عدسات BMW بدل بيت النور القصير .. مع الهالو حقها ... وحصلت الطريقة والفكرة في منتدى اجنبي مسويها على تندرا ... وبصراحة .. شكلها جذاب وبنفس الوقت مصممة للزنون .. بدون ماتعمل تشتيت للنور ... واترككم مع الصور لشمعات التندرا المعدلة .. ونشوف ارائكم فيها :


http://www.toyota4arab.com/upload/i/00006/669x2lbcd4qq.jpg (http://www.toyota4arab.com/upload/669x2lbcd4qq)
http://www.toyota4arab.com/upload/i/00006/9vk9u0ufdjnu.jpg (http://www.toyota4arab.com/upload/9vk9u0ufdjnu)
http://www.toyota4arab.com/upload/i/00006/2ywdcgj3dj13.jpg (http://www.toyota4arab.com/upload/2ywdcgj3dj13)
http://www.toyota4arab.com/upload/i/00006/uqqri5q2rtai.jpg (http://www.toyota4arab.com/upload/uqqri5q2rtai)
http://www.toyota4arab.com/upload/i/00006/m2yn01c7p0rw.jpg (http://www.toyota4arab.com/upload/m2yn01c7p0rw)


تقبلوا تحياتي .. على التقرير البسيط ..

ابو حمدان