مطلوب دراجه او سياره مسروقه للبيع

[التاجر الاماراتى]

نعم العنوان واضح ولا تستغرب مطلوب دراجه او سياره مسروقه للبيع

لانه يوم تنسرق دراجتك او سيارتك الشرطه تكتفي في فتح بلاغ سرقه بس ولا تعب عمرها في القبض على عصابات دراجات

امس انسرقت دراجتي من جدام البيت نوع ريزر 800 يديده ويا القالوصه مظهرنها خاري عشان نوديها سيرفس

فلمح البصر اختفت وفي عز النهار ...

بتقول اهمال بقولك ماعليه بس مب لهذي درجه ما تغفل عن حايتك الا طارت

عندنا طراد 27 قدم مكاين 115 هنتين انسرق

نيسان ربيعنا انسرق

عندي بيكب سييرا مدعوم 2007 انسرق

بقي امريكيه ويا قالوصتها انسرقت

ودراجتي امسات مسروقه

ولا حصلنا شي والله انا بروحنا ندور الين راس الخيمه وصلنا والعين والذيد


والنهايه الشرطه تقولك والله نحن بنعمم في حال حصلناها بنخبرك

هذي عصابات فدبي و الشارجه والعين معروفه بسرقه الدراجات والمصيبه انهم مطمنين انه الشرطه بتعمم يومين وبنقفل الملف البلاغ

لدرجه وصلت فيهم يسرقون من داخل البيوت

الجماعه مطمنين وايد ...

وابشركم الموسم بيبدا وخذ اليديد

واخيرا هذا رقمي للي عنده دراجه مسروقه طبعا المسروقه بيكون سعرها رخيص وايد و يمكن يحس الحرامي ويرجع دراجتي

0508881185

وسموحه ع الاطاله بس من الغصه على ماوصل عليه حالنا