مساعده استفسار لأهل الخبرة !! لمبة الدبل تأشر و معلقه ؟؟

[تويـوتا]

السلام عليكم ورحمة الله وبركاته ،،

تكفون اللي عنده خبره ومرت عليه مثل هالحاله لايبخل علينا بالشور والحل ...

سيارتي GX 2011 تماتيك هدد فل كامل وارد اليحيا

المشكله قبل فتره وانا امشي ولعت معي لمبة الدبل وطفت قلت لا لا متوهم ،،

اليوم الصبح وانا اشغل السياره اشوف لمبة الدبل تأشر وطولت بالتأشير مع ان الدبل مو شابك

حاولت اضغط زر الدبل الخفيف ما نفع حطيته بنمرة N برضه ما نفع ..

شبكت الدبل الثقيل ما ولعت اللمبه يعني فاصل ابو الشباب ماولعت لمبته ..

قلت خليني اجرب الدف لووك برضه فاصل ما ولعت اللمبه ..

قلت اطفي السياره واشغلها يمكن يضبط ويروح وميض اللمبه وما نفع ...

آآآآخر شي سويته قلت بمشي السياره شوي وبطفي السياره يمكن ينفع

والحمدلله تمااام بعد ما مشيت عليها امتار طفيتها وشغلتها ضبط كل شي

وشبكت كل الانظمه الخفيف والثقيل والدوف لوك بعد ما كانت مشلوله

طولتها عليكم يالربع بس تتوقعون وين الخلل هل هو كهرب والا وش السالفه ؟؟ :SnipeR (34):

حرام السيارة جديده ومالها 5 شهور وتسوي كذا

ووين اروح لفحص الوكاله والا لورشه ؟؟؟

شي أخير معي لمبة الابواب تولع مع مطب والا لفه
مع ان الابواب مقفله زين والشنطه بغيت اكسرها من قوي التسكير :)

واحيانا اتوهق لما ابغى اقفل السياره اذا كانت متوقفه لأن اللمبه مولعه !!!!


ولكم كل الود والاحترااام

أرق تحيه ،،