مساعده مشكله مالقيت لها حل في الكامري

[تويـوتا]

السلام عليكم ورحمة الله وبركاته

عندي مشكله ماحصلت لها حل . قلت مالي الا الله ثم اخواني في الموقع تويوتا

في البدايه اشتريت كامري 2003 من شخص كنت احسبه صادق وشريت بكلمته وانغشيت فيهآ:SnipeR (40):

المشكله القير عندي فيه نتعه يعني لما يعشق القير وهو طبعا ((اتوماتيك)) الثاني والثالث يصير فيه نتعه قويه قالي فيها بس حساس . واخذت منه السياره . وهذا اكبر غلط سويته وماعاد اثق بأي شخص مهم كان:mad:

ولا احد يقولي لاتثق ولا ليه مافحصتها كمبيوتر ومن هالكلام لانه درس بالنسبه لي:SnipeR (38):

نجي للمهم :SnipeR (49):

فحصت القير طلع فيه حساسين وغيرتهم . ولاتغير شي . قالو لي الكمبيوتر فيه مشكله وغيرته وبرضو ماتغير شي

علمـآ اني فاحصها عند اشهر مهندس بالقصيم والكل يعرفه . وديتها لمكانيكي تخصص قير . نزل الخريطه كامله ونضفها وسوى كل شي قالي بالاخير

يبغى لها قير ضروري

والكل اتفق من الورش ان القير فيه مشكله

رحت للتشليح وغير لي القير مرتين . وتيتي تيتي مثل مارحتي جيتي . ماتغير شي نهائيآ

طبعـآ كل اللي مريت فيه من ورش ومن استشارات ماطلعت بحل . مابقى عندي الا اغير

السياره ههههههههه امزح . مابقى الا الكهرب وحتى مشيك عليها واحد قالي مافيها شي

اتمنى انكم تفيدوني لان هالسياره ضيعت على مجهود ووقت وفلوس :SnipeR (71):

موقعي القصيم بريده

والمعذره على الاطاله :SnipeR (69):

دمتم بكل ود