( اضغط هنا ) .. << ساعدوه ترا شاد الظهر فيكم ..~

[تويـوتا]

السلآم عليكم ورحمة الله وبركاته ...~

يالله حي الزكرت والبشوات في موضوعي المتواضع ..~

انا يا شباب من اشد المعجبين في الملكه اللي هي الافلون طال عمرها .. المهم مالكم بالطويله
انا كان معي الكوكو (( كرولا )) والله سياره مكافحه وممتازه وتحملتني مرره .. والحين بعتها
وكلي حزن على وداعها .. المهم االي فات مات وحنا عيال اليوم .. فبما اننا عيال اليوم قررت
اشتري واحد حبه ملكه (( يعني اشتري لي افلون ههه)) .. وفلوسي جاهزه.. طبعا اللي قدرنـي
عليه ربي اخذ بدون شاشه لاني بصراحه ما اقتنعت في الشاشه حقت ملكتنا (( والناس اذواق))
فانا حبيت اسالكم واستشيركم هل فيه معـرض يبيع الملـكه باقل من سعر الوكـاله ..؟؟ (( فـي
الرياض طبعا )) ، واذا فيه يا ليت وبعد وحده يا ليت تحطون لي اسم المعرض ورقمه ومكانه
.. واذا ما فيه كم ممكن تجلس السياره عشان استلمها من الوكااله ..؟؟ لان انا افكر اخذ من المعرض لانه اليوم الثاني تستلمها والوكاله على ما قريت من مواضيع تطول ..
وعندي سؤال شاطح شوي (( مو كثير )) فيه فرق بين الوكاله والمعرض والا كلها واحد ..؟؟؟
والله ادري اني طولت عليكم وقروشتكم بس تحملوني ..


وعندي رجاء لا احد يقول لي خذ لك مكسيما احسن او توروس .. كلها كويسه ما اقول فيها شي
بس انا ما ملى عيني غير الملكه (( لبى عدساتها بس )) :SnipeR (87):

ادري والله قروشتكم وغثيتكم بس تحملوني تعرفون عليمي وابي استفيد منكم ..~:SnipeR (87):

وتحياتي لكم ..~