هبة الله
11-01-2011, 12:18 PM
هنتكلم الأول عن الصب الكريتيف لإنه أشهر واحد ومن النوعيه النضيفه
الصب الكريتيف تقريبا الوحيد اللى المحول بتاعه بره الصب المحول ده بياخود من كهربة البيت ال 220 فولت يحولها إلى 12 فولت علشان ياخدوه الصب ويشتغل بكده إحنا مش هنفتح الصب إحنا هنقص السلك اللى أخره جاك الصب أو لو مش عاوز تقصه ممكن تفوك المحول وتفوك اللحام من جوه وتاخده منغير ما تقص السلك علشان لو حبيت تركبه فى البيت تانى ميبأش السلك ملزق بشيكرتون وحوار وفى حل تانى فى أدبتور ب 7 جنيه بيبقى فيه نفس الجاك بتاع الصب وتقص السلك المهم إحنا عاوزين الجاك ده علشان يخش فى الصب والسلك بتاعه نوصله بالبطاريه وكده يبقى خلاص الصب شغال والحمد لله بس فيه خطوه هقولها تحت فى ملحوظه علشان الصب مايتحرقش
نخش على النوع التانى من الصبات اللى المحول بتاعها من جوه هنفك الصب وهنلاقى جوه محول هتعرفه إزاى هتلاقى الفيشه بتاعت الكهربة نهايتها ملحومه فى المحول ده والناحيه التانيه من المحول سلكتين هما دول اللى هيتوصلوا ببطارية العربيه وكده يبقى تمام
فى طريقة أشيك وأنضف من كده فى محول بيتباع فى ميركاتوا فى عباس العقاد أو فى كارفور أو فى تكنولوجى مول اللى فى مكرم عبيد أو أى كهربائى كبير المحول ده بياخود من بطارية العربيه 12 فولت وبيديك 220 فولت تقدر تشغل الصب وكأنك فى البيت مش الصب بس وأى حاجه تانيه بردوه وسعره عامل 180 جنيه
فى طريقة أخرى فى العتبه يوجد صبات كمبيوتر بتشتغل على بطارية العربيه على طول واللى شفته كان سعره 260 جنيه كده نبقى خلصنا طريقة التركيب
نخش على النتائج وبعد كده الملحوظات
النتائج
الصوت جوه العربيه زى الفل وخصوصا لما توزع السماعات الأربعه 2 تحت الكرسى الأمامى و2 ورا والصب بقى إنت وحسب مساحة عربيتك هتحطوا فين غالبا ماينفعش يتحط على البورده ورا فى أغلبية العربيات
إنما الصوت بره العربيه ضعيف جدا وكأنك مشغل هيدفون وخصوصا لو قافل الإزاز
ملحوظات وعيوب الحركه ديه
1- أول حاجه لو الصب بتاعك فتحته أو قطعت السلك لو لسه جديد كده الضمان بتاعه راح
2- لابد من تركيب فيوز للصب قبل السلك اللى رايح للبطاريه علشان الصب مايتحرقش لإنه مفيهوش آمان طبعا علشان صينى
3- مش هيديك نفس قوة الصوت اللى فى البيت لآن كهربة البيت مستمره وبطارية العربيه متردده فا بتبقى ضعيفه وممكن مايشتغلش من أصله وميطلعش صوت فا الأفضل تجيب المحول
4- الإمب ثرى اللى هتشغل منه الأغنيه أو الإمب فور أو التليفون خارجى الصوت بتاعه ضعيف مش زى خارجى الصوت بتاع كارت الصوت اللى فى الكمبيوتر
5- صعب فى أغلبية السيارات إنك تحط الصب على الرف ورا لإنه كبير والبرابريز اللى ورا هيعوقه ولو حطيته فى شنطة العربيه هيتكتم ومش هتسمع صوت
6- عندك فى البيت غالبا بيبقى محطوط على ترابيزه خشب فطبعا الصوت بيبقى أحلا أكتر انما فى العربيه مفيش الخشب ده
نأسف على الإطاله
الصب الكريتيف تقريبا الوحيد اللى المحول بتاعه بره الصب المحول ده بياخود من كهربة البيت ال 220 فولت يحولها إلى 12 فولت علشان ياخدوه الصب ويشتغل بكده إحنا مش هنفتح الصب إحنا هنقص السلك اللى أخره جاك الصب أو لو مش عاوز تقصه ممكن تفوك المحول وتفوك اللحام من جوه وتاخده منغير ما تقص السلك علشان لو حبيت تركبه فى البيت تانى ميبأش السلك ملزق بشيكرتون وحوار وفى حل تانى فى أدبتور ب 7 جنيه بيبقى فيه نفس الجاك بتاع الصب وتقص السلك المهم إحنا عاوزين الجاك ده علشان يخش فى الصب والسلك بتاعه نوصله بالبطاريه وكده يبقى خلاص الصب شغال والحمد لله بس فيه خطوه هقولها تحت فى ملحوظه علشان الصب مايتحرقش
نخش على النوع التانى من الصبات اللى المحول بتاعها من جوه هنفك الصب وهنلاقى جوه محول هتعرفه إزاى هتلاقى الفيشه بتاعت الكهربة نهايتها ملحومه فى المحول ده والناحيه التانيه من المحول سلكتين هما دول اللى هيتوصلوا ببطارية العربيه وكده يبقى تمام
فى طريقة أشيك وأنضف من كده فى محول بيتباع فى ميركاتوا فى عباس العقاد أو فى كارفور أو فى تكنولوجى مول اللى فى مكرم عبيد أو أى كهربائى كبير المحول ده بياخود من بطارية العربيه 12 فولت وبيديك 220 فولت تقدر تشغل الصب وكأنك فى البيت مش الصب بس وأى حاجه تانيه بردوه وسعره عامل 180 جنيه
فى طريقة أخرى فى العتبه يوجد صبات كمبيوتر بتشتغل على بطارية العربيه على طول واللى شفته كان سعره 260 جنيه كده نبقى خلصنا طريقة التركيب
نخش على النتائج وبعد كده الملحوظات
النتائج
الصوت جوه العربيه زى الفل وخصوصا لما توزع السماعات الأربعه 2 تحت الكرسى الأمامى و2 ورا والصب بقى إنت وحسب مساحة عربيتك هتحطوا فين غالبا ماينفعش يتحط على البورده ورا فى أغلبية العربيات
إنما الصوت بره العربيه ضعيف جدا وكأنك مشغل هيدفون وخصوصا لو قافل الإزاز
ملحوظات وعيوب الحركه ديه
1- أول حاجه لو الصب بتاعك فتحته أو قطعت السلك لو لسه جديد كده الضمان بتاعه راح
2- لابد من تركيب فيوز للصب قبل السلك اللى رايح للبطاريه علشان الصب مايتحرقش لإنه مفيهوش آمان طبعا علشان صينى
3- مش هيديك نفس قوة الصوت اللى فى البيت لآن كهربة البيت مستمره وبطارية العربيه متردده فا بتبقى ضعيفه وممكن مايشتغلش من أصله وميطلعش صوت فا الأفضل تجيب المحول
4- الإمب ثرى اللى هتشغل منه الأغنيه أو الإمب فور أو التليفون خارجى الصوت بتاعه ضعيف مش زى خارجى الصوت بتاع كارت الصوت اللى فى الكمبيوتر
5- صعب فى أغلبية السيارات إنك تحط الصب على الرف ورا لإنه كبير والبرابريز اللى ورا هيعوقه ولو حطيته فى شنطة العربيه هيتكتم ومش هتسمع صوت
6- عندك فى البيت غالبا بيبقى محطوط على ترابيزه خشب فطبعا الصوت بيبقى أحلا أكتر انما فى العربيه مفيش الخشب ده
نأسف على الإطاله