تعديل لاب توب لتشغيله او اغلاقه

[اسيرة الاحزان]

كان من المشاكل اللى بتواجهنا ان الكمبيوتر بيبقى فى شنطة العربيه او تحت الكرسى
ازاى نتحكم فى تشغيله واغلاقه من جوه العربيه

انا لاقيت فكره ممتازه فى منتدى اجنبى وقولت اعرضها هنا عشان الكل يستفيد

بس الموضوع محتاج واحد فاهم وحريص عشان مش يبوظ حاجة انا مش مسؤول :)

هنشيل البطاريه وكابل الكهرباء عشان مش عايزين نروح ضحية تعديل بسيط (خلوها فى حاجة اكبر من كده :))

هنفتح الاب توب ونشوف مفتاح الباور
هيبقى عباره عن مفتاح ب 4 اطراف

هنشوف انهى طرفين بيبقوا واصلين ببعض لما بنغط على زرار الباور باستخدام جهاز اسمه ملتيميتر

الجهاز ده بيقيس الفولت والامبير وفيه نظام بيعمل صوت لو الطرفين بتوعه لمسوا بعض

هنظبطه على الوضع ده ونشوف انهى طرفين واصلين ببعض لما بنغط على زرار الباور بوضع طرفين الجهاز على طرفين من مفتاح الباور ونضغط على الزرار
وهنفضل نجرب طرفين طرفين لغايه ما الجهاز يطلع صوت معنى كده ان الطرفين دول بيتصولوا ببعض

بعد ما عرفنا الطرفين اللى احنا محتاجينهم هنوصل كل طرف بسلك
هنوصل السلكين دول ب female stereo jack
ممكن نطلع الجاك ده من اى حته من اللاب توب
او نعمله فتحه فى اللاب توب نفسه زى كده

هنجيب male stereo jack

وهنوصل الطرفين بتوعه بزرار

بكده لما توصل الجاك ده فى الجهاز وتضغط على الزرار السلكين هيتوصلوا ببعض كأنك ضغط على زرار الباور بتاع اللاب توب

وبكده يبقى انت نقلت زرار الباور عندك فى اى مكان فى العربيه

عيش حياتك واى خدمه

[ندى الورد]

معلومات فى غاية التميز
سلمت الايادى
وفى انتظار المزيذ