فزعتكم ياشباب ...ابي حل لمشكلتي

[هوندا]

السلام عليكم ..
اخواني انا معي هوندا اكورد 2007 الموهم رجعت من الرياض لديرتي القصيم وبالطريق اتعاندت
انا وراعي كامري قلت والله مايتعداني ..لما وصلت 200 فتحت الدريشه (النافذه ) الاماميه
وفجأه انطلقت يعني صارت ماترجع بنفس المسار لازم امسكها بيدي واعدل مسارها
الدينمو شغال كويس بس المشكله في الرجوع اذا جيت اسكر النافذه ماترجع عدال لازم تميل
رحت الوكاله وقالوا لي سعر النافذه 900 بعد الخصم وسعر الربلات الخارجيه المحيطه بالنافذه ب 300
السياره صار فيها تنسيم هواء واضح بالطريق ...مع العلم انه السياره امريكيه ونظيفه مره (ماشاء الله ) وانا اشتريتها من امريكا
بس اتفاجأة انه النافذه الاماميه يسار تجاريه مو اصليه
السؤال يارجال ؟
مين يعرف محل بالرياض يضبطلي النافذه وتنسيم الهواء والربلات ويكون سعره معقول
مو مثل الوكاله اللي اسعارها ناااار خصوصا بالقطع غير الاستهلاكيه !!!

اتمنى الاقي حل ..لأنه راح ازور الرياض بالويكيند



تقبلوا تحياتي