منو زباينهم ؟

[عاشق الجيب]

السلام عليكم ورحمه الله وبركاته ..

اعتقد الكل عارف انه كل منتج في السوق انحط لفئه معينه من الناس .. نتكلم عن السيارات .. نفس الكلام كل سياره تستهدف فئه من الناس سواء من ناحيه الدخل او الاستخدام او الشكل الخ ..

ناخذ على سبيل المثال بورش باناميرا .. على طول على بالك ايي .. للي يدور سياره رياضيه فخمه مترفه في نفس الوقت واداءها ممتاز وشكلها مميز ..

لاند كروزر .. سياره عائليه هادئه تنفع لاستخدام ال "اوف رود" وفي نفس الوقت البعض يصنفها سياره شبابيه .. عزمها معقول ومريحه الخ .. للعائلات او لاستخدام الشباب الشخصي ..

نيسان زد .. سياره شبابيه بحته ما بزيد على ها الشي ..

الموضوع كاتبنه بسبب سياره وحده حاب اعرف المغزى منها في السوق .. احترم شي اسمه "الذوق" لانه بدونه لوقف الابداع في كل المجالات ..

عموما نبدا بسم الله ..

http://l.yimg.com/dv/aic/mercury_grand_marquis_ls_2011?x=440&n=1&q=90&sig=LgG5s6f0s86h3F09DWUMTQ--

نعم هذي السياره موديل 2011 وبصراحه .. تقولي 2001 واصدق .. تصميم مغبر مافيه اي لمسات جديده بالمره ..

مكينتها المصيبه الكبرى .. 4.6 وينتج 224 حصان .. واعتقد فورد مليانه مكاين يديده ومكتسحه بالايكو بوست .. البلوى انها 8 سلندر .. استهلاكها للوقوت استهلاك 8 سلندر والمشكله مايطلع من ها ال**** اي قوه تسوى ..

داخليتها من القرن العشرين
http://l.yimg.com/dv/izp/mercury_grand_marquis_ls_2011_dashboard_dashboard. jpg?x=440&n=1&q=90&sig=egUYgBd8kUDuCyufjveHNQ--

لاحظ المساحه تحت الداش بورد الي كنا نلقاها في الكاديلاك موديل الثمانينات ..

سعرها ؟؟ 110 الاف درهم على الي موجود في يااهوو . كوم ...

زيد عليها 20 الف او اكثر عندنا هنيه ..

فكرت وقلت بصنفها .. لان تقييم الشي يكون بمقارنته بالبدايل وتشوف حسناته ومميزاته

سياره بها الحجم ؟ قلت كابريس .. الكابريس وييين وهذي وييين .. الكابرس تحظر وطلع من حياه البداوه :43:

قد يكون الفئه الوسطى ؟ اودي ايه 6 ؟ مرسيدس اي كلاس ؟ انزين هو ثمانيه سلندر ستاندرد والي اتكلم عنهم يبدون 4 سلندر لكن اداءهم افضل :41: واستهلاكها اكثر بمراحل

نصنفه مع الفئات الكبيره .. الفئه السابعه او المرسيدس الفئه اس .. الفرق بينهم 300 الف :26:

احترم حب الشعب السعودي لهذي السياره .. وتراه جانب العاده موجود "يمشون على كلام اباءهم"

ولكن .. منو هم منافسين هذي السياره ؟ وشو استخدامها بالضبط ؟

وان كان هذا الاهتمام موجود في بعض دول الخليج ؟ معقوله راح تنباع في امريكا بشكلها الممل هذا ؟ وتراني اشمل الفورد كارون في الموضوع ..

وفي الاخر

منو زباينهم ؟:29: