أجيب فيرنا ولا أزنق نفسي واجيب نيو اكسنت ؟ هل الفرق يستاهل؟

[المهندس]

السلام عليكم ورحمة الله وبركاته

اخوتي الأعزاء أعضاء المنتدى الكرام

أولا أنا عضو جديد وسعيد جدا بالمنتدى الجميل ده ptmnlo123per154

ثانيا: ارجو مساعدتي في القرار... ptmnlo123per144

انا بصراحة كده بإذن الله تعالى بفكر أجيب فرنا 2010 فول أوبشن
بس محتار جداً لأن فيه ناس بتقول عليها حلوة وناس بتقول عليها وحشة ونصحوني بدايو لانوس بس انا بعد فترة من البحث مش مستريح للانوس

المهم انا قررت اني اجيب حاجة هيونداي

بس لاحظت ان معظم العيوب اللي اتقالت لي عن الفيرنا بتتركز في انها هيكلها خفيف يعني ورق زي ما بيقولوا

وانا بيني وبينكوا حستلف فلوس عشان اجيبها

المهم انا فكرت أخيراً إني أحسم الأمر وأزنق نفسي واستلف مبلغ أكبر وأجيب نيو أكسنت فول اوبشن (بيتهيألي الفرق في السعر حوالي 10000 جنيه)

فأفيدوني أفادكم الله
هل النيو أكسنت مفيهاش العيوب المشهورة عن الفرنا أم لا ؟؟

وأنا بردو بصراحة عاوز أجيب عربية مخسرش فيها كتير لو حبيت أبيعها بعد حوالي 3 سنين (لاني احتمال اسافر بإذن الله)

ptmnlo123per1140
وبصفة عامة هل الفرق بين العربيتين يستاهل اني ازود حوالي 10 آلاف جنيه ولا لأ ؟؟ يعني ال 10 آلاف الفرق دول حيريحوني من مشاكل الفرنا ؟؟ ولا الفرق بين العربيتين مش كبير اوي يعني اخليني في الفرنا وخلاص ؟؟
ptmnlo123per159

وشكرااااااااا

[اصيل]

طالما انت محتار
ريح نفسك وصلى صلاه استخاره واللى فيه الخير هاتعمله بنفسك

[خالدالزيات]

سعر الفرنا اليوم فى السوق

[حليم]

اخى الكريم الهيونداى عربية كويسة بس التوكيل فى الفترة الاخيرة بقى فيه مشاكل كتير بالنسبة للنيو اكسنت حسب اطلاع على المنتديات لانى عايز اشترى انا كمان فيها مشاكل فى اسطوانة والدبراياج حتى قراة الزيت فى العربية فى مشاكل بس ارجع اقول ان ممكن من حجم المبيات الكبير فى السوق المصرى اكيد المشاكل هتزيد وفكر تريح دماغك