مطلوب مشورة في تعديل سيارة البيت

[عاشق الجيب]

السلام عليكم ورحمة الله وبركاته


كيف حالكم ان شاء الله بخير؟

عندنا سيارة البيت غالية عليه وااااااااااااااااايد ولا اتحمل بيعها مع اني استعل سيارتين للدوام والمشاوير

لكن هذي غير عنهن الماضي العتيق مثل ما يقولون :15:

المهم مرت السنين بسرعة وصراحة نحتاج نبدل السيارة لما طرأ عليها من خراب "الله يخلي سواقة الهنود :12:"


المهم تفاصيل السيارة كالتالي:

السنة: 2000
الشركة: نيسان
الموديل: باترول
المحرك: 6 سلندر
السعة: 4500 سي سي
الجير: 5 سرعات عادي
القوة: 230 اتذكر بس نقص 80 مش مشكلة على سواقة الهندي
عدد الابواب: 5
عدد الكيلومترات: 315.000 كلم
مواصفات اخرى:
- تخشيب
- عداد فتك 2003
- اصطابات فتك 2003
- كيمرا
- زنون
- مسجل مع نافيجيشن
- رنجات فتك 2003
- دعاميات فتك امام وخلف وجانب 2003

طبعا" السيارة اذا بتشوى حدها 28 ألف هذا ان وصلت بعد


المهم قلت ياخي ليش نبيع السيارة وانا اعرف عن قوة محركات الباترول وجيره


قلت اشتريه من الاهل واعدل عليه الشغلات المستقبلية التالية:


- تبديل المحرك: 4800 "حتى مشتعمل مب لازم وكالة
- تبديل الجير: تيبترونيك " حتى مشتعمل مب لازم وكالة
- تنجيد كامل من الداخل + تغيير الداخلية
- تبديل اللون: اتحداكم لو واحد عرف لونه الاصلي هههههه
- تبديل الرنجات: 20" + بروفايل للتاير يكون صغير بحيث يهبط السيارة مع المحافظة على ارتفاعها (يعني ما راح العب بالسبرنجات )
- بدي كت (الديزاين بيكون بعدين مش الحين)


اخواني باختصار بخليه حق معارض واستعمال خفيف مثل تجمعات وكشخة
يعني اريده يكون نيسان متميز :15:



ها شو رايكم اخواني بالموضوع طبعا" هذا كله عقب مب الحين يعني الموضوع يباله وقت حتى نشتري السيارة البديلة للبيت

يستاهل ولا المصير واحد"السكراب"

كنت افكر اخذ كبسولة واعدل شكله كامل لكن اسعاره وايد مبالغ فيها حتى الموديلات القديمة !!