سؤال سريع للاهل الاكورد 2012 ضروري

[هوندا]

اخباركم انشالله تمام سؤالي الحين طبعا انا معي اكورد 2012
يوم الخميس مطلعها المهم
سؤالي الاول : بنزين وش تعبي 91 او 95
سؤال الثاني : طفشت من تمرين السياره مع زحمت الرياض والممشى 80 ماينفع
سؤالي اقدر امسكها خط (يفكر يمسكها للشرقيه صد ورد )يعني الحين ماشي العداد 240 ابغى اوصلها 1000 وادخلها الوكاله للتشيك
يعني لو اجيب طبلونها يضر السياره والا بس كلام جرايد اقصد اشاعات
السؤال الاخير وش يصير بتشيك 1000 كيلو

طبعا انا قلت اصحاب الاكورد 2012 ماهو تقصير بالباقين لا والله
بس ابي الي يجاوب يكون مطبق الشي الي يقوله ثانيا الاكورد 2012 متغير بلد الصنع ماندري وش متغير بعد علشان كذا ابي الجواب من واحد معه 2012 او مجربها

اليوم عبيت 91 اول تعبئه وسوسو في راسي خوياي بغيت اروح اشفط التانك
الي يقول يموت عزمها والي يقول يخرب الطرمبه ويالله