,, لماذا فرق الأسعار بين الوكالات ؟؟ .. vxr 2012 مثالا ً ,,

[تويـوتا]

السلام عليكم ورحمة الله وبركاته ..


اخواني انا رحت لوكالة عبدالغني امس اشيك على اسعار اللكزس والفي اكس ار ال 2012 ..

حصلت اللكزس عندهم نوعين ولكل نوع سعرين ..
النوع الأول بقيمة 355الف وتزيد 3000 اذا بغيت جنوط 20
النوع الثاني 400 الاف وتزيد 3000 للجنط 20
والفرق بين الفئتين في التخشيبه للدركسون والديفيدي والباب الخلفي كهربائي وعدة اشياء بسيطه ما تحضرني الحين للأسف .. بس يقول هذي اسعار غير ثابته لين توصل السيارات نهاية شهر 5 .. وطبعا ً هالكلام غير صحيح لأن البعض عطوه سعر وخالصه اموره بس عشان انا سألت ولا راح يوصل الا شهر 5 قالوا نحدد السعر ذاك الوقت اما يرفعون ولا يثبتون .. :)


المهم هذا مش الموضوع اللي كتبت عشانه الموضوع .. بس على قولتهم هذي معلومات فوق البيعه للي يهمه سعر اللكزس ..


موضوعنا هنا فرق السعر بين الوكالات والمثال هنا هو الفي اكس ار 2012 ال 5.7.. عند عبدالغني نوعين الجلد والمخمل ..

الجلد 311 الف
والمخمل 300 الف

طبعا ً بعد الخصم :)

الجلد يفرق عن المخمل بتبريد المقاعد وكل المقاعد كهربائيه , لكن النوعين كلها تشترك بهذه المواصفات والتي تقل عن مميزات الوكالات الأخرى وهي : كيمره وحده خلفيه فقط + باب خلفي عادي + بدون رادار + بدون سبلرات في الجنب فقط خطوط + بدون جناح وعرشه ( ماتهمني ) :) + بدون طي كهربائي للمرايات ولا تعتيم .

وكالة عبداللطيف جميل على قولة الشباب سعره 290 الف ويمكن مميزاته افضل + البريمي مادري كم سعره بس سمعت ان فيه عندهم فل اوبشن بقيمة 340 الف .


يا ليت اللي عنده تجارب مع الوكالات يعطينا خبر ليش الفرق بين الوكالات في الاسعار .. وهل مميزات عبداللطيف جميل او اكسسواراته التي يضعها لسياراته تجاريه كما يقال فلذلك نجد سعره اقل؟؟

يا ليت حد يجيب عن هذه الاستفسارات بشي ٍ من التفصيل ..

وشكرا ً