مأرقني موضوع الصوت!!

[تويـوتا]

السلام عليكم

كيف حالكم ياشباب ..

اعتذر للاخوان بموضوع الكشافات .. للامانة الحالة المادية كل مالها من سيء لاسوأ :d .. لكن اللي يبي الكشافات اطلبها له من امريكا وبدون سعي ولاخرابيط مابيننا هالامور :)

---

موضوعي هذا طالبكم يالربع مابي اطلع منه الا بحل .. قسم بالله يا اني صاير اكره اسوق سيارتي بسبته !!


قبل فترة .. تقريبا 9 شهور اكتشفت انه فيه مشكلة في المقعد الخلفي الايمن ، لما يكون احد جالس عليه والسياره ماشية يطلع اصوات ، يوم رفعت المقعد لاحظت ان احد المسامير اللي تمسكه مب فيه .. سكت عن الموضوع وديته لتويوتا اصرو ان الموتر مافيه مشكلة..

الصوت موب ذاك المؤذي صراحة ..

لكن الطامة ، قبل اسبوع كنت طالع تخيم حول تمير ، خبركم الارض ذيك قاسيه وفيه حولها شوي نفود ، واحد من الربع مدري وش قرصه فاخذته بالموتر وطيران على مستشفى الحوطه الظاهر ، وللامانة نقزت نقزات بالموتر الله بها عليم خايف على الرجال ..

طلع سليم مافيه الا العافيه ، حنا خارجين من المستشفى بديت الاحظ اصوات مزعجة بشكل شنيع في الباب الصغير اللي خلف السائق .. مع كل لفة ومع كل مطب وحتى مع عيون القطط !!!!!!!!!!!!!!!!!

الصوت والله فاقع مرارتي بشكل ..

مادري وش الحل ؟ طالبكم يالربع مابي اطلع من الموضوع الا والصوت مختفي :(